V.Chelahtyń anasy Joǵarǵy Sot tóraǵasymen kezdesti

ASTANA. 7 qazan. QazAqparat - Búgin Qazaqstan Respýblıkasy Joǵarǵy Sotynyń tóraǵasy Bektas Beknazarov azamattardy kezekti qabyldaýdy ótkizdi.

Oǵan ómir boıy bas bostandyǵynan aıyrylǵan sottalýshy Vladıslav Chelahtyń anasy S.Vaşenko qatysty, dep habarlady QR Joǵarǵy Sottyń baspasóz qyzmetinen.

S.Vaşenko balasyna qatysty is boıynsha shyǵarylǵan sot aktisin qadaǵalaý tártibimen qaıta qaraý týraly ótinishin bildirdi. Onyń shaǵymyn tyńdaı kelip, B. Beknazarov Joǵarǵy Sotta komıssııa qurylatyndyǵyn atap ótti. Onyń quramyna osy is boıynsha buǵan deıin qadaǵalaý isin qozǵaýdan bas tartqandardan basqa qylmystyq ister boıynsha qadaǵalaýshy alqasynyń sýdıalary kiretin bolady jáne tek komıssııanyń qorytyndysynyń nátıjeleri boıynsha ǵana Joǵarǵy Sot tóraǵasy túpkilikti sheshim qabyldaıdy.