Úıinen qashyp ketken reseılik boıjetken kómek surady
ATYRAÝ. KAZINFORM – Reseıdegi Cheshenstan Respýblıkasynyń turǵyny Elza Soltaeva úıinen qashyp ketken. Týystarynan qorqatynyn aıtqan ol jurtshylyqtan kómek surady.
Áleýmettik jelide Elza Soltaevany Atyraý oblysyndaǵy Dossor kentinde polıtsııa ustaǵany týraly vıdeo júkteldi.
Óziniń aıtýynsha, jasy – 24-te. Sheshenstan Respýblıkasyndaǵy úıinen qashyp ketken.
– Bizdi Dossor kentinde polıtsııa ustady. Qujatymyzdy alyp qoıdy, bermeı jatyr. Kavkazdaǵy qyzdarǵa kómektesip júrgen adam da ustaldy. Bizge kómek kerek. Meniń artymnan týysqandarym kele jatqanyn bilemin. Olar meni óltirýi múmkin, qorqamyn, - deıdi Elza Soltaeva.
Osyǵan baılanysty Atyraý oblystyq polıtsııa departamentiniń baspasóz qyzmeti túsinik berdi.
– Polıtsııaǵa Reseı Federatsııasynyń azamaty, 2000 jylǵy boıjetkenniń iz-túzsiz joǵalǵany jóninde habar tústi. Osyǵan baılanysty joǵalǵan azamat anyqtalyp, Maqat aýdandyq polıtsııa bólimine jetkizildi. Tekserý kezinde onyń úıinen óz erkimen ketkeni anyqtaldy. Odan osyǵan baılanysty túsiniktemesi alyndy. Keıin jiberildi, - dep málim etti departamenttiń baspasóz qyzmeti.
Qazir Elza Soltaevanyń qaı baǵytqa ketkeni belgisiz.
Eske sala ketelik, buǵan deıin atyraýlyq áıel egiz balasyna kúıeýi zorlyq kórsetken dep kúdiktenetinin abarlaǵan bolatynbyz.