«Uıaly telefon ustaǵan bala tııanaqty bilimge qol jetkize ala ma?» - baspasózge sholý
Atyraý - tek elimizdiń ǵana emes, sonymen birge álemdegi jetekshi kompanııalar men ınvestorlar nazary aýǵan qazynaly óńir. Munda jeti qat jer astynan munaı men gaz da óndirilip, Aq Jaıyq pen kógildir Kaspııdeı sý aıdyndarynan balyqtyń alýan túrleri súzilgen kóp jylǵy is áli de jalǵasyn taýyp jatyr. Buǵan qosa shaǵyn jáne orta kásipkerlik pen aýyl sharýashylyǵy salasynyń da kókjıegin keńeıter jarqyn jobalar iske qosyldy. Osy jáne ózge de ońdy ister jóninde oblystyń basqarý tizginin qolyna alǵan jańa ákim Nurlan NOǴAEV tarqatyp aıtyp berdi, dep jazady "Egemen Qazaqstan" gazeti "Alǵa adymdaǵan Atyraý" atty materıalda.
"Turǵyndardyń áleýmettik ahýalyn jaqsartý baǵytyndaǵy jumystardyń tıimdiligin arttyryp, ońtaılandyrýǵa da basa mán berilýde. ıAǵnı, áleýmettik kómek naǵyz muqtajdyqty sezingen jandarǵa ǵana kórsetiledi. Osyǵan baılanysty ótken jyldyń ekinshi jartysynan beri Atyraý qalasy men Qurmanǵazy aýdanynda «Órleý» qanatqaqty jobasy qolǵa alyndy. Bul jobany iske asyrýǵa jergilikti bıýdjetten 6 mıllıon teńge qaralyp, nátıjesinde quramynda 129 múshesi bar 22 otbasy tartyldy. Olardyń ishinde eńbekke jaramdy 24 adamnyń 16-sy turaqty jumysqa ornalastyryldy. Atap aıtqanda, bireýi áleýmettik qyzmetpen, jeteýi aqyly qoǵamdyq jumyspen qamtylypty. Olar qazir jan basyna shaqqanda 14 352 teńgege deıingi ortasha tabys taýyp otyr. Al bıyl atalǵan joba ózge aýdandarda da qolǵa alynýda. Qanatqaqty jobaǵa 789 adamdy quraıtyn 141 az qamtylǵan otbasyny qatystyrý josparlanǵan. Jobany qarjylandyrýǵa 49,7 mıllıon teńge qaralypty", - delingen atalmysh maqalada.
Jaqynda Vashıngton qalasynda ótken ıadrolyq qaýipsizdik sammıti aıasynda Elbasy Nursultan Nazarbaev AQSh prezıdenti Barak Obamaǵa «Jarylys» atty otandyq sýretshiniń týyndysyn syıǵa tartty. Osyǵan baılanysty, "Aıqyn" basylymy qylqalam sheberine habarlasyp, ataýly oqıǵaǵa qatysty áserin bilgen.
- Nursultan Ábishulynyń «Jarylys» dep atalatyn sýretimdi Barak Obamaǵa syılyq retinde tańdaǵanyn estigenimde, erekshe áserde boldym. Áli de ıadrolyq qaýiptiń qaterin qunttamaı otyrǵan elderdi Jer sharyn qorǵaýǵa shaqyratyn sammıtte júrek túkpirimdegi aıtar oıymdy barshaǵa týyndym jetkizgendeı áserde qaldym, - dep bastady sózin Káripbek myrza. 1968 jyly Semeı oblysy, Egindibulaq aýylynda dúnıege kelip, Semeı ıadrolyq synaǵynyń saldarynan zardap shekken sýretshiniń eki qoly joq. Biraq bul kemtarlyǵy onyń sýret salý, ıadrolyq synaqtyń qaterin nasıhattaý jáne barsha ǵalamdy jer sharyn qorǵaýǵa shaqyrýda múmkindigin shekteı alǵan joq. «Bul jalǵandaǵy basty maqsatym - men sııaqty kemtarlar ıadrolyq synaqtyń saldarynan zardap shekkenderdiń sońǵy ókili bolý úshin aıanbaı qyzmet etý. Boıymda qýat, erik-jigerim barda, júregimniń soǵysy toqtap, tirshiligim taýsylǵanǵa deıin barsha adamzatty jer sharyn qorǵaýǵa shaqyrýdan jalyqpaımyn» deıdi antııadrolyq qozǵalys belsendisi. Tolyǵyraq, "KáripbekKÚIІKOV: ElbasyObamaǵasýretsyılaǵanda, ereksheáserdeboldym" atty materıaldan oqýǵa bolady.
"Aıqyn" basylymynda "Beıimbettińkeıipkerleribar, ózijoq" atty maqala jarııalanyp otyr.
Onda materıal avtory búgingi prozada Beıimbet Maılındeı tulǵalar nege joq? degen saýaldyń aınalasynda oı tolǵaıdy.
Beıimbet Maılınniń óziniń zamandastarynan ereksheligi jazýdy óleńmen bastaǵanymen, prozaǵa kóbirek den qoıyp, alǵashqy shyǵarmasymen-aq («Shuǵanyń belgisi») úlken sýretker ekenin qazaq dúnıesine pash etken jazýshy, deıdi basylym.
"Kúldirip otyryp jylatyp, jylatyp otyryp kúldiretin sýretker shyǵarmalaryn nege tilge tıek etip otyrmyz? Ras, Kúlpásh, Maqtym, Taltańbaı, Myrqymbaı - ómir shyndyǵy ǵoı. Búgingi qoǵamda da talaı Myrqymbaılar ómir keship jatyr. Endeshe, nege táýelsiz qazaq ádebıeti búgingi Myrqymbaılardyń tıptik obrazyn ádebıette jasaı almaýynyń syry nede? Bizdi mazalaıtyny da osy. «Beıimbet joq qoı, demek onyń keıipkerleri de kórinbeıtini zańdylyq. Eger ondaı jazýshy(lar) dál qazir bar bolsa, olardy atap aıtý kerek dep esepteımin. Sóıtse de, «Men Beıimbetpin, Chehovpyn...» dep júrgenderdi estigen qulaqta jazyq joq. Al olardy da atap aıtaıyn deseń, Beıimbet pen Chehovtyń atyn da, shyǵarmalaryn da qorlaǵan sııaqty bop qalasyń. «Búgingi prozaǵa jazam dese taqyryp jetedi, tek Beıimbet sııaqty talantty jazýshy týǵan joq» deıtin sózderdi estip júrmiz, túgel bolmasa da osynyń jany bar sııaqty. Demek, joqqa júırik jetpeıdi, joqtyń bári de joq: mysaly, jazýshylarda ómirbaıan joq, bilim joq, shyǵarmashylyq tanym joq, tabıǵatty taný joq, jınaqtaý joq, ishki álemge boılaý joq, oılaý joq, tek sóıleý bar, al tek qur sózben jazýshy bolýyń múmkin, biraq Beıimbet-Talant bola almaısyń ǵoı", - dep jazady "Aıqyn".
Bilim jáne ǵylym mınıstrligi bilim mekemelerinde smartfon qoldanýǵa tyıym sala ma? Bul másele ustaz qaýymyn kópten beri mazalap júr, dep jazady "Túrkistan" basylymy.
"Ýaqytyn bilimnen góri, ınternettegi «qyzyqtardy» tamashalaýǵa jumsaıtyn urpaqtyń tárbıesine kim jaýapty? Búgingi ata-ana men ustazdyń kóńilin kúpti etken jaıt osy.
Demek, memlekettik sheneýnikterge smartfondy paıdalanýǵa salynǵan tyıymdy bilim mekemelerine de engizý qajet. Osy másele boıynsha tilshi qaýymy Bilim jáne ǵylym mınıstrligi Mektepke deıingi jáne orta bilim departamentiniń dırektory Jańyl Jontaevadan surap kórgen. Ol: «Aqparattandyrý jóninde» QR Zańynyń 55-babyna sáıkes, elektrondy aqparat resýrstary, aqparattyq júıe men aqparattyq-kommýnıkatsııalyq qurylymdardy qorǵaý sharasyna baılanysty smartfondardy jumys barysynda qoldanýǵa salynǵan tyıym memlekettik qyzmetkerlerge ǵana qatysty» degen bolatyn. Durys delik. Biraq mınıstrlik uıaly telefonnyń bilim sapasyna qanshalyqty keri áserin tıgizip otyrǵanyn bilmeı me?", - delinedi "Uıalytelefonustaǵanbalatııanaqtybilimgeqoljetkizealama?" atty maqalada.
"Qazir kez kelgen oqýshynyń qolynda smartfon bar. Keıbir oqýshylar sabaq ústinde de áleýmettik jelige kirip, kóńilin basqa nársege buryp jatady. Muny muǵalim bilmeıdi emes, biledi. Biraq soǵan qaramastan oqýshynyń qolyndaǵy smartfondy tartyp alýǵa quqyǵy joq. Sebebi qazirgi balalar qıt etse, beınege jazyp, áp-sátte ǵalamtor «juldyzy» etip jiberýi ǵajap emes", - dep jazady basylym.
