Úıi órtenip ketken túrkistandyq turǵynǵa jerlesteri 15 kúnde páter alyp berdi
Igi iske úles qosqan azamattar 4 kún ishinde 10 mln teńge jınady, dep habarlaıdy Kazinform.
Sozaq aýdanyna qarasty Taýkent kentiniń turǵyny Aıbala Qudııarovaǵa jerlesteri 3 bólmeli páterdiń kiltin tabystap, qýanyshqa keneltti.
Kent turǵyndary men sharaǵa jınalǵan qonaqtar ıgi iske uıytqy bolǵan jandarǵa alǵysyn aıtty.
5 jeltoqsan kúni Aıbala Qudııarovanyń baspanasy órtke oranǵan bolatyn. Saldarynan barlyq bólmeleri janyp ketti jáne úıdiń shatyry tolyqtaı zaqymdandy.
Sodan kent turǵyndary jerlesterine kómek berý maqsatynda qarjy jınaýdy qolǵa aldy.
Nebári 4 kún ishinde qarajat kólemi 10 mln teńgege jetken. Onyń kóbisin janashyr azamattar bergen. Sodan belsendiler kópqabatty turǵyn úılerdiń birinen 3 bólmeli páter alyp, baspanasyz qalǵan turǵynǵa tartý etti.
