Ýtılızatsııalyq alym: «Jasyl damý» AQ 100% memlekettik uıym

NUR-SULTAN. QazAqparat – «Jasyl damý» aktsıonerlik qoǵamy Ekologııa, geologııa jáne tabıǵı resýrstar mınıstrliginiń vedomstvolyq baǵynysty uıymy bolyp tabylady jáne memlekettiń qatysý úlesi 100%-dy quraıdy. Bul týraly QazAqparat mınıstrliktiń baspasóz qyzmetine silteme jasap habarlaıdy.

Buǵan deıin habarlanǵandaı, Qazaqstan Respýblıkasy Úkimetiniń 2022 jylǵy 18 qańtardaǵy № 20 qaýlysymen óndirýshilerdiń (ımporttaýshylardyń) keńeıtilgen mindettemeleri operatorynyń (ÓKM) fýnktsııalary «Jasyl Damý» aktsıonerlik qoǵamyna berildi. Sonymen qatar, «ÓKM Operatory» JShS-niń quqyqtary toqtatyldy.

«Jasyl damý» aktsıonerlik qoǵamy Ekologııa, geologııa jáne tabıǵı resýrstar mınıstrliginiń (EGTRM) vedomstvolyq baǵynysty uıymy bolyp tabylady jáne memlekettiń qatysý úlesi 100%-dy quraıdy. ıAǵnı, aktsıonerlik qoǵam quramynda ózge jeke jáne zańdy tulǵalar joq. Osy qaýlymen «ÓKM Operatory» JShS jarǵylyq kapıtalyna qatysýdyń júz paıyzdyq úlesi jeke menshikten memlekettik menshikke qabyldanǵany anyqtaldy», - delingen habarlamada.

Eske salsaq, ýtılızatsııalyq alym máselesin retteý úshin Ekologııa, Qarjy jáne Ulttyq ekonomıka mınıstrlikteri Úkimetke birlesken usynys ázirlep, engizetin boldy. «ÓKM operatorynyń» ornyna kelgen «Jasyl damý» ýtıl alym mólsherin qalaı belgileıtindigi aıtyldy. Jańa ýtılızatsııalyq alym aqpan aıynyń sońyna deıin bekitiledi.

Sonymen qatar Memleket basshysy Qasym-Jomart Toqaev ýtıldik alym stavkalaryn qaıta qaraýdy tapsyrdy.

«Kásipkerler men jalpy qoǵamda «Operator ROP» kompanııasynyń qyzmeti kóptegen suraq týyndatyp otyr. Tipti osy jeke kompanııaǵa qarsy qoǵamdyq qozǵalys ta uıymdastyryldy. Men Úkimetke «Operator ROP» ýtıldik alym jınaýyn ákimshilendirýdi tyıym salýyn tapsyramyn. Munymen shet memleketterdegideı memlekettik uıym aınalysýy kerek. Alymdardyń ózine kelsek, olardyń stavkasy qaıta qaralýy tıis», - dedi Prezıdent.