Ushaqpen alyp ushýǵa bolmaıtyn zattar tizimi ózgerdi

ASTANA. QazAqparat – Qazaqstanda ushaqtaǵy qol júgi men bagaj retinde tasymaldaýǵa tyıym salynǵan zattardyń jańartylǵan tizimi jarııalandy, dep habarlaıdy QazAqparat tilshisi.

Burynǵydaı keminde jarylǵysh zattyń zarıady men jarylǵysh qurylǵylarǵa, oq-dárilerdiń barlyq túrine, atys qarýyna, túıregish jáne kesetin qarýǵa, sondaı-aq basqa da qaýipti zattarǵa tyıym salynǵan.

Budan bólek, atalǵan talaptarǵa taǵy bir tarmaq qosyldy. Onda bagajda tasymaldaýǵa tyıym salynǵan qaýipti zattar men nárseler eskerilgen. Sonyń arasynda batareıamen jumys isteıtin portatıvti elektrondy temeki qurylǵylary bar. Onyń ishinde elektrondy juqa sıgaralar, elektrondy sıgaralar, elektrondy tútikter, jeke býlandyrǵyshtar qamtylǵan.

Atap aıtqanda, ushaqta tasymaldaýǵa tyıym salynǵan zattardyń tolyq tizimimen normatıvtik quqyqtyq aktileriniń elektrondyq túrdegi etalondyq baqylaý banki saıtynda tanysýǵa bolady.