Ushaq bıletterine qatysty tekserý bastaldy - mınıstr

ASTANA. KAZINFORM – QR Kólik mınıstri Nurlan Saýranbaev FlyArystan-nyń burynǵy qyzmetkeriniń ushaq bıletine qatysty jarııalaǵan aqparaty tekserilip jatqanyn aıtty.

Búgin Májilistiń jalpy otyrysynan keıin tilshiler áýe kompanııasyndaǵy overbýkıngke qatysty suraq qoıyp, qazir osy másele boıynsha qandaı sheshim jasalǵanyn surady. 

- Birinshiden, overbýkıng tıisti tetik retinde barsha álemde qoldanylyp keledi jáne osy máseleni birneshe ret kótergen edik. Ekinshiden, atalǵan máselege qatysty BAQ-ta taraǵan aqparatqa toqtalsaq, Azamattyq avıatsııa komıteti tıisti tekserýdi bastady. Osy oraıda bul tekseris nátıjesin jarııalaımyz... Bul rette taralǵan aqparattyń qanshalyqty shyndyqqa janasatynyn tekseris anyqtaıdy, - dedi N. Saýranbaev. 

Buǵan deıin áýe tasymaldaýshylary «overbýkıng», ıaǵnı ushaqtaǵy oryn sanynan artyq bılet satý tásilin jıi qoldanatynyn jazǵan edik. 

Eske salaıyq, buǵan deıin FlyArystan kompanııasynyń burynǵy qyzmetkeri Renat Abýlhanov Air Astana top-menedjerleriniń múddesine áýe bıletterin jeńildikpen satqanyn málimdedi.

Air Astana burynǵy qyzmetkerdiń málimdemesine jaýap berdi.