Ushaq bıletiniń qunyn belgileý kezinde qandaı shyǵyndar eskeriledi
Osy oraıda ol elimizde bılet qunyn qalyptastyrý salasyn retteý eskerilmegenin, bul baǵytta naryqtyq tetik qoldanylyp jatqanyn jetkizdi.
Vıtse-mınıstrdiń aıtýynsha, tarıf qurylymynda negizinen janarmaı quny, ushaqty paıdalaný kezindegi shyǵyndar, lızıng, áýejaı qyzmeti men eńbekaqy qory eskeriledi.
«Іshki naryqta avıakerosınniń tapshylyǵy jáne onyń qymbat bolýy - eldegi azamattyq avıatsııanyń damýyn tejeıtin, sondaı-aq baǵa belgileýge áser etetin negizgi faktorlardyń biri. 2022 jyly avıakerosındi óndirý men tutyný arasynda teńgerimsizdik boldy. Óndirý kólemi shamamen 650 myń tonna bolsa, al jaǵylǵan otyn 806 myń tonnaǵa jetti», - dedi A. Ydyrysov Senatta elimizdegi áýe kóligi máselelerine qatysty jıyn barysynda.
Onyń aıtýynsha, áýe avıakompanııalary shyǵyndarynyń 80 paıyzǵa jýyǵy shetel valıýtasymen tólenedi. Sonyń ishinde áýe kemelerin satyp alý nemese lızıngke alý, qosalqy bólshekterdi jetkizý jáne basqa da shyǵyndar.
