Úsh oblysta ylǵal únemdeý tehnologııalaryn paıdalaný paıyzy joǵary - Saparhan Omarov
«Bıylǵy vegetatsııalyq kezeń ońaı bolǵan joq, buǵan ońtústik oblystardaǵy aýyl sharýashylyǵy taýaryn óndirýshilerdiń sý tapshylyǵyna qatysty kóptegen ótinishteri dálel bola alady. Úkimet qabyldaǵan sharalar jáne ákimdikterdiń úılesimdi jumysy arqasynda egin jınaý aıtarlyqtaı shyǵynsyz ótti. Mańyzdy mindetterdiń biri - sýarmaly jerlerde sýdy utymdy jáne únemdi paıdalaný. Ákimdikterdiń derekterine sáıkes 2020 jyly sýarmaly jerlerdegi egis alańy 1,4 mln gektardy qurady», - dedi mınıstr.
Onyń aıtýynsha, 1,1 mıllıonnan astam gektar nemese 79% jer betimen sýarý tásilimen sýarylady, 104 myń gektar - bular negizinen kúrish alqaptary, ıaǵnı jappaı sý jaıý ádisimen sýarylady. Al egis alańynyń 200 myń gektaryna nemese 13,5%-yna ǵana zamanaýı tamshylatyp nemese jańbyrlatyp sýarý ádisi paıdalanylady. Bul jerde Pavlodar, Qaraǵandy, Aqmola oblystarynda ylǵal únemdeý tehnologııalaryn paıdalaný paıyzy joǵary ekenin atap ótý kerek.
«Sýarmaly jerlerdegi egis alańdarynyń qurylymyna da toqtala ketken jón. Statıstıka derekteri boıynsha qazirgi kezde sýarmaly jerlerde maıly, dándi, azyqtyq, kókónis-baqsha daqyldary, maqta, kartop, kúrish jáne qant qyzylshasy ósiriledi. Kórip otyrǵanymyzdaı, negizgi úles bıdaı men arpa sııaqty tálimi daqyldarǵa, sondaı-aq maqta men kúrish sııaqty monodaqyldarǵa tıesili. Mınıstrlik pen oblys ákimdikteri arasynda jasalǵan memorandýmdar aıasynda sýdy kóp qajet etetin daqyldar men monodaqyldardyń úlesin azaıtý, sondaı-aq rentabeldiligi joǵary balama daqyldardyń (kókónis-baqsha, azyqtyq, maıly daqyldar) alańdaryn ulǵaıtý arqyly aýyl sharýashylyǵy daqyldarynyń egis alańdaryn ártaraptandyrý jumystary júrgizilip jatyr», - dedi S. Omarov.
Onyń sózine qaraǵanda, bıyl maqta ósirý alańy 126 myń gektardy qurady, bul 2017 jylǵy deńgeıden (135 myń gektar) 8,6 myń gektarǵa az. Kúrish alańy boıynsha shamaly tómendeý baıqalady, 2017 jylmen salystyrǵanda 700 gektarǵa azaıdy.
«Bul jerde memorandýmdardyń kórsetkishterine qol jetkizilmeýdiń negizgi sebebi memorandýmnyń usynymdyq sıpatqa ıe ekendigin, Memlekettik josparlaý júıesiniń qujattaryna jatpaıtyndyǵyn atap ótkim keledi. Osy máseleni retteý úshin Mınıstrlik salalyq «Agroónerkásiptik keshendi jáne aýyldyq aýmaqtardy damytýdy memlekettik retteý týraly» Zańǵa ýákiletti jáne jergilikti atqarýshy organdardyń quzyretine aýyl sharýashylyǵy daqyldarynyń egis alańdary qurylymyn ártaraptandyrý máselesi boıynsha kelisim jasasý normasyn engizý bóliginde ózgerister engizdi. Sondaı-aq Agroónerkásiptik keshendi damytýdyń memlekettik baǵdarlamasyna suranysqa ıe aýyl sharýashylyǵy daqyldarynyń egis alańdary boıynsha ındıkatıvti kórsetkishter engizildi. Bul oblys ákimdikteriniń memorandýmdar kórsetkishterine qol jetkizý boıynsha jaýapkershilikterin arttyrýǵa múmkindik beredi», - dep túsindirdi vedomstvo basshysy.