Úsh oblysta temirjoldar qardan táýlik boıy tazartylýda

ASTANA. QazAqparat - Qystyń alǵashqy kúninde óńirlerdegi temirjoldar boıy 2 myń tekshe metr qardan tazartyldy. Aqmola, Shyǵys Qazaqstan jáne Almaty oblystaryndaǵy magıstraldarda qar táýlik boıy kúrelgen, dep habarlaıdy QazAqparat.

«Qazaqstan temir joly» ulttyq kompanııasynyń baspasóz qyzmetiniń aqparatyna sáıkes, 1 jeltoqsan kúni magıstraldardy qardan tazartaý jumystaryna 1600 temirjolshy jumyldyrylǵan.

«Sorokovaıa-Saryoba, Zyrıan-Serebrıanka, Rıdder-Óskemen-1, Óskemen-Rýlıha jáne taǵy basqa ýchaskelerde temirjoldardyń qary arnaýly tehnıkanyń kómegimen kúreldi», - delingen habarlamada.

Temirjolshylardyń aıtýynsha, stansalyq jáne magıstraldyq joldardan 2 myń tekshe metrge jýyq qar shyǵarylyp, 200 kılometrden astam temirjol tazartyldy.