Úsh oblysta jol jabyldy
ASTANA. KAZINFORM — Erigen qar sýlardyń saldarynan Qaraǵandy jáne Aqmola oblystarynda jol qozǵalysyna shekteý qoıyldy. Bul týraly QazAvtoJol málimdedi.
2025 jylǵy 21 naýryz saǵat 20:00 jaǵdaı boıynsha erigen qar sýlardyń saldarynan 3 oblystaǵy 3 respýblıkalyq mańyzy bar avtomobıl joldarynda kólik qozǵalysyna shekteý qoıyldy.
Aqtóbe oblysy boıynsha «Qandyaǵash - Embi- Shalqar - Yrǵyz» avtojolynyń 3-92 shaqyrym aralyǵy (Qandyaǵash qalasy - Embi qalasy).
Qostanaı oblysy boıynsha «Marınovka aýylyna kireberis» avtojolynyń 9 shaqyrym aralyǵy.
Soltústik Qazaqstan oblysy boıynsha «Petropavl qalasynyń aınalma joly» avtojolynyń 4-7 shaqyrymy aralyǵynda (Qojabergen jyraý aınalma jolynan Esil ózeni arqyly ótetin kópirge deıin).
Barlyq ýchaskelerde aınalma joldar qarastyrylǵan. Qazirgi tańda respýblıkalyq joldardy kútip-ustaýǵa 159 arnaıy tehnıka men 290 maman jumyldyryldy.
Aıta ketelik Qanat Bozymbaev Aqtóbe oblysynda sý tasqyny kezeńiniń ótýin teksergen edi.