Úsh oblysta 2 gradýs aıaz bolady

ASTANA. KAZINFORM – «Qazgıdromet» RMK-sy qyrkúıektiń 3-i kúngi kún raıy boljamyn jarııalady.

Kásiporyn boljamyna qaraǵanda, Qazaqstan aýmaǵynyń basym bóligi atmosferalyq frontaldy bólikterdiń yqpalynda bolady. Osyǵan qaraı naızaǵaımen jańbyr jaýady, túnde respýblıkanyń shyǵysynda jaýyn-shashyn bolady (jańbyrdan qarǵa aýysatyn jańbyr), soltústiginde, soltústik-batysynda, batysynda burshaq jaýýy jáne daýyl bolýy múmkin.

Eldiń tek ońtústiginde, ońtústik-batysynda kún jaýyn-shashynsyz bolady. Respýblıka boıynsha jel kúsheıip, batysynda, ońtústik-batysynda, ońtústiginde shańdy daýyl turyp, soltústiginde, shyǵysynda, eldiń ortalyǵynda túngi jáne tańerteńgi saǵattarda tuman túsedi.

Túnde Soltústik Qazaqstan oblysynyń soltústiginde, shyǵysynda, Shyǵys Qazaqstan oblysynyń shyǵysynda, batysynda, soltústiginde, Aqmola oblysynyń batysynda, soltústiginde, ortalyǵynda topyraq betinde 2 gradýs aıaz bolady.

Kúndiz Atyraý oblysynda 35-37 gradýs, Aqtóbe oblysynyń batysynda, ońtústiginde 35 gradýs ystyq kútiledi.

Almaty, Aqtóbe, Ulytaý, Jetisý oblystarynda, Qaraǵandy oblysynyń batysynda, soltústiginde, Aqmola oblysynyń batysynda, ońtústiginde, ortalyǵynda, Batys Qazaqstan oblysynyń soltústiginde, ońtústiginde, shyǵysynda, Atyraýdyń soltústiginde, batysynda, Qostanaı oblysynyń batysynda, Shyǵys Qazaqstan oblysynyń ońtústiginde órt qaýpi joǵary bolady.

Túrkistan, Qyzylorda, Mańǵystaý, Jambyl oblystarynda, Batys Qazaqstan, Almaty oblysynyń batysynda, soltústiginde, ońtústiginde, Atyraý jáne Jetisý oblystarynyń shyǵysynda, ońtústiginde, Qostanaı, Qaraǵandy, Aqtóbe oblystarynda ońtústiginde, Ulytaý oblysynyń shyǵysynda tótenshe órt qaýpi saqtalady.

Osyǵan deıin Semeıge úsh kúnde bir aılyq jaýyn jaýǵany týraly jazdyq.