Úsh oblys joldarynda kólik qozǵalysy shekteldi
ASTANA. KAZINFORM – Búgin saǵat 18:30-da aýa raıynyń nasharlaýyna baılanysty Aqtóbe men Qyzylorda oblystaryndaǵy respýblıkalyq joldarda júk jáne qoǵamdyq kólik túrleriniń qozǵalysyna ýaqytsha shekteý engizildi, dep habarlady QazAvtoJol mekemesi.
Aqtóbe oblysy:
- «RF shekarasy – Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy» avtojolynyń 965-1240 shaqyrym aralyǵy (Qarabutaq aýyly – Qyzylorda oblysy shekarasy).
Qyzylorda oblysy:
- «RF shekarasy – Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy» avtojolynyń 1240-1362 shaqyrym aralyǵy (Aqtóbe oblysy shekarasy – Aral qalasy).
Joldy 2026 jylǵy 16 aqpan saǵat 08:00-de ashý josparlanǵan.
Sondaı-aq saǵat 19-30-dan bastap Batys Qazaqstan oblysynda da kólik qozǵalysy shektelmek.
«Aqtóbe – Oral – RF shekarasy» avtojolynyń 393-526 shaqyrym aralyǵy (Jympıty aýylynan Aqtóbe oblysynyń shekarasyna deıin).
Joldy 2026 jylǵy 16 aqpan saǵat 08:00-de ashý josparlanǵan.
Osyǵan deıin 15 aqpanda jabyq turǵan joldar týraly aqparat bergen edik.