Úsh memleket Halyqaralyq qylmystyq sottan shyǵatynyn jarııalady

ASTANA. KAZINFORM — Malı, Býrkına-Faso jáne Nıger Halyqaralyq qylmystyq sottan shyǵatynyn jarııalady, dep habarlaıdy Anadoly. 

Úsh memlekettiń birlesken málimdemesinde Halyqaralyq qylmystyq sot áskerı qylmystar men genotsıdti tıimdi qýdalaýǵa qabiletsiz bolyp shyqty dep aıtylǵan.

Úsh memleket jarııalaǵan birlesken málimdemede olar HKK «neokolonıaldyq qysymnyń quralyna» aınalǵanyn jáne onyń aıasyndaǵy ádildik tańdaýly túrde qoldanylǵanyn málimdedi. Demek, olar Sotty qurǵan Rım statýtynan bas tartýǵa sheshim qabyldady.

Qujatta Halyqaralyq qylmystyq sottyń áskerı qylmystardy, genotsıd pen adamzatqa qarsy qylmystardy tıimdi túrde qýdalaı almaǵany, onyń ornyna ımperıalıstik derjavalardyń múddesin qorǵaıtyn tetikke aınalǵany aıtylǵan.

Sonymen qatar, shyǵý týraly sheshim dereý kúshine enetini jáne bolashaqta ulttyq qundylyqtarǵa negizdelgen jergilikti jáne óńirlik ádilet organdaryn qurý josparlanyp otyrǵany habarlandy.

Buǵan deıin, naýryz aıynda, Malı, Nıger jáne Býrkına-Faso Sahel alıansynyń qylmystyq jáne adam quqyqtary jónindegi sotyn qurý nıetterin jarııalaǵan edi. 

Aıta ketelik Majarstan parlamenti halyqaralyq qylmystyq sottan shyǵý týraly zań jobasyn maquldaǵan edi.