Qazaqstandyq úsh gımnast álem chempıonatynyń fınalyna ótti

ASTANA. KAZINFORM — Sporttyq gımnastıkadan Djakartada (Indonezııa) ótip jatqan álem chempıonatynda qazaqstandyq úsh sportshy fınalǵa joldama aldy, dep habarlaıdy Olympic.kz.

Mılad Karımı erkin jattyǵýlarda 14.133 upaı jınap, tórtinshi nátıjemen fınalǵa ótti. Sondaı-aq kermedegi jattýǵalarda 14.200 upaı enshilep, aqtyq synǵa shyqty.

Parıj Olımpıadasynyń kúmis júldegeri Narıman Kýrbanov at snarıadyndaǵy jattyǵýdyń irikteý kezeńinde qarsylas shaq keltirmeı, eń joǵary kórsetkish — 14.700 upaımen birinshi oryn aldy.

Sonymen qatar at snarıadyndaǵy jattyǵýlardyń fınalynda Zeınolla Ydyrysov (14.300 upaı) óner kórsetedi.

Ókinishke qaraı, Dıas Toıshybek, Dmıtrıı Potanın jáne Іlııas Ázizov fınalǵa shyǵa almady.

Aıta keteıik, erkin jáne at snarıadyndaǵy jattyǵýlar boıynsha fınaldyq báseke 24 qazanda ótedi. Al kermedegi jattyǵýda júldegerler 25 qazan kúni anyqtalady.

Buǵan deıin sporttyq gımnastıkadan Djakartadaǵy álem chempıonatyna elimizden kimder qatysatynyn jazǵan bolatynbyz.