Úsh aıda óńdeý ónerkásibindegi óndiris kólemi 6,5 paıyzǵa ósti
«Óńdeý ónerkásibinde serpindi ósý úrdisi baıqalýda. Osy jyldyń qańtar-naýryz aılarynda óndiris kólemi 6,5 paıyzǵa ósti. Barlyq óńir boıynsha oń ósý kórsetkishi tirkeldi. Eń joǵarǵy ósý Almaty qalasynda, sondaı-aq Soltústik Qazaqstan jáne Atyraý oblystarynda baıqalýda», - dedi Álibek Qýantyrov.
Onyń atap ótýinshe, óńdeý ónerkásibi salalary boıynsha mashına jasaý óndirisiniń 11,3 paıyzǵa, onyń ishinde avtomobıl jasaýdyń – 14,8, vagondar men lokomotıvter óndirisiniń – 13,3, qurylys materıaldary – 12,4, daıyn metall buıymdary – 11,0, plastmassa buıymdary – 15,2, farmatsevtıkalyq ónimderi – 18,2, sýsyndar – 19,0, kıim óndirisiniń 13,0 paıyz ósimi qamtamasyz etildi.
«Taý-ken ónerkásibinde óndiris kólemi 6,1 paıyzǵa ulǵaıdy. Salalar bólinisinde ósim taý-ken ónerkásibinde qyzmet kórsetýde – 17,1, gaz óndirýde – 8,2, shıki munaı óndirýde 7,6, ózge de paıdaly qazbalardy óndirýde – 6,3, metall kenderi men kómir óndirýde 1,9 paıyzdy qurady», - dedi mınıstr.
