US Open: Pýtıntseva qytaılyq qarsylasyn jeńip, úshinshi aınalymǵa shyqty

ASTANA. KAZINFORM — Qazaqstannyń ekinshi, álemniń 32-raketkasy ıÝlııa Pýtıntseva AQSh ashyq chempıonatynyń úshinshi aınalymyna joldama aldy.

Qazaqstandyq tennısshi ekinshi aınalymda álemniń 40-raketkasy, qytaılyq Sınıýı Vanmen kortqa shyqty.

Osyǵan deıin qarsylastar ózara úsh ret kezdesip, bárinde qytaılyq sportshy jeńgen.

Birinshi partııa 6:1 esebimen Pýtıntsevanyń paıdasyna sheshilgenimen, ár dop úshin kúres júrip, 46 mınýtqa sozyldy.

Ekinshi sette ıÝlııa 3:1 esebimen alǵa ketkenimen, Van qarap qalmady – 5:3. Esep 4:5 bolǵanda, Pýtıntseva medıtsınalyq kómekke júgindi. Sodan soń qytaılyq tennısshi setke dop bergende, tarazy basyn teńestirdi – 5:5. Taı-breıkte Pýtıntseva sátti oınady – 7:6 (7:4).
Osylaısha, ol qytaılyq tennısshige ketip júrgen esesin qaıyrdy.

Eki saǵat 7 mınýtqa sozylǵan tartysty báseke barysynda ıÝlııa 1 eıspen birge 13 breık-poınttyń altaýyn paıdalandy. Van 1 eıs, 3 breıkpen (12 breık-poınt) shekteldi.

ıÝlııa Pýtıntseva tórtinshi aınalymǵa ótý úshin álemniń 5-raketkasy, Italııa ókili ıAsmın Paolını nemese kezinde reıtıngide kósh bastaǵan, qazir 44-oryndaǵy chehııalyq Karolına Plıshkovanyń qaı jeńgenimen talasady.

Búgin túnde Qazaqstannyń birinshi, álemniń 4-raketkasy Elena Rybakına ekinshi aınalymda reıtıngide 143-satydaǵy frantsııalyq Djessıka Ponshemen kezdesedi.

Qazaqstannyń erler arasyndaǵy ekinshi, álemniń 61-raketkasy Aleksandr Shevchenko ekinshi aınalymnan asa almady. Ol álemniń 20-raketkasy, amerıkalyq Frensıs Tıafoǵa jol berdi. Alǵashqy eki partııada Tıafo 6:4, 6:1 esebimen basym tústi. Úshinshi sette esep 0:1 bolǵan sátte Shevchenko básekeni jalǵastyrýdan bas tartty.

Qazaqstannyń juptyq syndaǵy birinshi, álemniń 57-raketkasy Aleksandr Nedovesov ekvadorlyq Gonsalo Eskobarmen birge alǵashqy aınalymda-aq germanııalyqtar Kevın Kravıts – Tım Pıýtstan jeńilis tapty – 6:7 (6:8), 4:6.

Taǵy bir qazaqstandyq, álemniń 218-raketkasy Beıbit Juqaev Chjantszıagan (Qytaı) chellendjer dodasynyń ekinshi aınalymynda kútpegen jerden reıtıngide 327-oryndaǵy taıbeılik Týn-Lın Výdan utylyp qaldy – 7:5, 2:6, 5:7. Sóıtip ol shırek fınalǵa óte almady.

Eske sala keteıik, budan buryn AQSh ashyq chempıonatynda ıÝlııa Pýtıntsevanyń Monterreı chempıonyn utqanyn jazǵan bolatynbyz.

Elena Rybakına bapkerimen nege qoshtasqanyn aıtyp berdi.