Úrmeli matrasqa mingen 3 qyz Kaspıı teńizinde túnedi

AQTAÝ. QazAqparat - Aqtaýda úrmeli matraspen teńiz ortasyna aǵyp ketken úsh qyz bir túnnen keıin tabyldy. Bul týraly Mańǵystaý oblystyq Tótenshe jaǵdaılar departamentiniń baspasóz qyzmetinen málim etti, dep habarlaıdy QazAqparat tilshisi.

«Búgin tańǵy saǵat 6 shamasynda «Qazteńizkólikfloty» JShS «Suńqar» kemesiniń ekıpajy teńiz jaǵalaýynan 22 shaqyrym qashyqtyqta 3 qyzdy qutqardy», - delingen baspasóz málimetinde.

Qyzdardyń densaýlyq jaǵdaıy turaqty, olarǵa medıtsınalyq kómek kórsetilgen.

Eske salsaq, keshe Kaspıı teńizinde úrmeli matrasqa mingen úsh qyz izdestirilip jatqanyn jazǵan edik. Qutqarý jumystaryna tikushaq ta tartyldy.