Urlanǵan qarýdy satý faktileri anyqtaldy - Sanjar Ádilov

NUR-SULTAN. QazAqparat – Qylmyskerlerdiń urlanǵan qarýdy satý faktileri anyqtaldy. Bul týraly QR ІІM Tergeý departamentiniń bastyǵy Sanjar Ádilov aıtty, dep habarlaıdy QazAqparat tilshisi.

«Qylmyskerlerdiń urlanǵan qarýdy satý faktileri anyqtaldy. 18 aqpanda Jambyl oblysynyń Baızaq aýdanynda jedel is-sharalar barysynda urlanǵan Kalashnıkov avtomatyn satý barysynda Taraz qalasynyń 45 jasar turǵynyn krımınaldyq polıtsııa qyzmetkerleri ustady. Jeke tintý kezinde kúdiktiden qarýdy satýdan túsken 300 myń teńge, al avtomashına salonynan eki Kalashnıkov avtomaty oq-dárisimen tárkilendi», - dedi S. Ádilov Ortalyq kommýnıkatsııalar qyzmetinde.

Onyń aıtýynsha, túsindirý jumystary nátıjesinde adamdar 100-den asa qarýdy erikti túrde tapsyrdy.

«Qarýdy erikti túrde tapsyrǵan adam, eger onyń áreketterinde basqa qylmys quramy bolmasa, qylmystyq jaýapkershilikke tartylmaıtynyn esterińizge salamyn», - dedi S. Ádilov.

Budan buryn habarlanǵandaı, qańtar oqıǵasy kezinde urlanǵan qarýdy, tabylýyna qatysty jańa derekterin aıtyldy.