UOS ardagerleri TMD aýmaǵynda tegin saıahattaı alady

ASTANA. QazAqparat - Uly Otan soǵysynyń ardagerleri men múgedekteri 2018 jyldyń 1 mamyrynan 31 jeltoqsanyna deıin Qazaqstan men TMD elderine tegin saıahattaı alady, dep habarlaıdy QazAqparat «Jolaýshylar tasymaly» AQ-ǵa silteme jasap.

«Samruk-Kazyna Trust» qory men «Jolaýshylar tasymaly» AQ birlese otyryp, Jeńis kúni qarsańynda júzege asatyn dástúrli aktsııanyń bastalǵandyǵyn jarııalady.

UOS ardagerleri Qazaqstan jáne TMD elderi boıynsha «Jolaýshylar tasymaly» AQ-nyń barlyq baǵyttary boıynsha qyzmetti tegin ala alady. Bıletti kýpeli vagonnyń kez kelgen sanatyna alý múmkindigi bar.

 Atalmysh aktsııa boıynsha bılet rásimdeýge jeke basty kýálandyratyn jáne UOS qatysýshysy nemese múgedegi ekendigin rastaıtyn qujattardyń túpnusqasy bolýy kerek.

TMD memleketterine jasalatyn saıahat úshin bılet baratyn stantsııa men Qazaqstan aýmaǵyndaǵy bılet berilgen stantsııa baǵyty boıynsha rásimdeletindigin aıta ketý qajet.


Ashyq jelilerden alynǵan foto