Ýnıversıadanyń konkımen júgirý jarysynda Baqdáýlet Saǵatov besinshi oryn aldy

ASTANA. QazAqparat – 2023 jylǵy Qysqy Ýnıversıadanyń 5000 metr qashyqtyqqa konkımen júgirý saıysyna eki qazaqstandyq sportshy qatysty, dep habarlaıdy QazAqparat tilshisi.

Atalǵan saıysta elimizdiń atynan Baqdáýlet Saǵatov pen Andreı Zýev el namysyn qorǵady.

Nátıjesinde B.Saǵatov 5, A.Zýev 16-oryn aldy.

Bul qashyqtyqtyqta ıtalıandyq Rıkkardo Lorello chempıon atansa, odan keıingi oryndardy taǵy bir ıtalıandyq Danıele Dı Stefano men japonııalyq Motonaga Arıto ózara bólisti.

Eske salsaq, Qazaqstan quramasy medaldar kestesinde onynshy orynda tur.

Ázirge el quramasy qorjynynda jalǵyz altyn medal bar.

14 qańtarda qazaqstandyq bıatlonshy Vadım Kýrales 15 shaqyrym qashyqtyqta jekeleı synda máre syzyǵyn birinshi bolyp qıǵan edi.

Foto: sports.kz