Ýnıversıada oıyndarynyń bastalýyna 28 kún qaldy

ASTANA. QazAqparat - Almaty tórinde ótetin bıylǵy jyldyń basty dodalarynyń biri XXVIII qysqy Ýnıversıada oıyndarynyń bastalýyna 28 kún qaldy, dep habarlaıdy QazAqparat tilshisi.

Almaty qysqy Ýnıversıadasynyń baǵdarlamasyna mánerlep syrǵanaý, short-trek, taý shańǵysy, snoýbord, bıatlon, shańǵymen jarysý, shaıbaly hokkeı (áıelder men erler arasynda), kerlıng, shańǵymen tramplınnen sekirý, shańǵy qossaıysy, konkımen júgirý sporty, frıstaıl sekildi 12 sport túri engen.

Jarysqa álemniń 60-qa jýyq elinen keletin 2 myńǵa jýyq sportshyǵa 3 myńǵa jýyq erikti qyzmet kórsetedi.  Al saıystardy álemniń 80 elindegi 1 mlrd adam teledıdar arqyly tamashalaı alady.

Esterińizge sala keteıik, Almaty TMD elderi arasynan qysqy Ýnıversıadany birinshi bolyp ótkizgeli otyr. Buǵan deıin, 2013 jyly Reseıdiń Qazan qalasynda jazǵy Ýnıversıada uıymdastyrylǵan bolatyn.