Ýnıversıada nysandaryn teksergen órt sóndirýshiler birqatar usynys berdi
Halyqaralyq sporttyq is-sharanyń órtke qaýipsizdigin joǵary deńgeıde qamtamasyz etý - FISU Stýdentik sporttyń halyqaralyq federatsııasy talaptarynyń biri. Osyǵan baılanysty qalalyq TJD qyzmetkerleri órt qaýipsizdigin qamtamasyz etý jónindegi birinshi kezektegi sharalar keshenin oryndaýdy jalǵastyrýda, atalmysh mekemeniń baspasóz qyzmeti.
Atletıka aýylynyń sporttyq obektilerinde jáne «Almaty Arena» muz saraıynda órt sóndirýdiń jedel qujattamasyna túzetýler jasaldy.
Profılaktıkalyq sharaǵa Almaty qalasy TJD órt sóndirý jáne avarııalyq qutqarý jumystary qyzmetiniń qyzmetkerleri, Alataý aýdany TJ bóliminiń ınspektorlyq quramy tartyldy, sondaı-aq QR ІІM TJK Órt qaýipsizdigi jáne azamattyq qorǵanys ǵylymı-zertteý ınstıtýtynyń mamandary qatysty, olar:
- qysqy Ýnıversıadany ótkizý kezinde tartylatyn syrtqy sýmen órtke qarsy qamtý júıesin aspaptyq baqylaý ádisimen tekserýlerdi júrgizdi. Bul ádis órtke qarsy sý qubyrlarynyń júıesindegi tek sýdyń bar-joqtyǵyn tekserýge múmkindigimen qajetti sýdyń kelý kólemin jáne onyń qysymyn tolyqtaı tekserýge múmkindik beredi. Bul obektilerdiń órtke qarsy qorǵanýyn qamtamasyz etýde barynsha tolyqqandy nátıjelerge qol jetkizýge múmkindik beredi.
- sondaı-aq adamdardy obektiden evakýatsııalaýdyń ár qabattyń josparlary jáne órt sóndirý avtomobılderiniń kirý joldarynyń josparlary tekserildi. Josparda kórsetilgen qaýipsizdik belgileri men baǵyttardyń siltemeleri tótenshe jaǵdaılar týyndaǵan kezde adamdar kóp jınalatyn jerlerden adamdardy evakýatsııalaý boıynsha qajettik sharalardy qabyldaýǵa múmkindik beredi.
«Tekserý júıelerdiń durys istep jatqandyǵyn, alaıda Atletıka aýylynda sýdyń berilý mólsheri men onyń qysymy jetkiliksiz ekenin kórsetti. Obekti basshylyǵyna sý qubyrynyń jaı-kúıin jaqsartý jóninde usynystar berildi», delingen habarlamada.
