Ýnıversıada: Qazaqstan quramasy medaldar kestesinde onynshy orynda tur

ASTANA. QazAqparat – 2023 jylǵy Qysqy Ýnıversıadada besinshi jarys kúninen keıin Qazaqstan quramasy medaldar kestesinde onynshy orynǵa jaıǵasty, dep habarlaıdy QazAqparat tilshisi.

Dúbirli doda AQSh-tyń Leık-Plesıd qalasynda ótip jatyr. Qysqy Ýnıversıada 12 qańtarda bastaldy, 22 qańtar kúni máresine jetedi.

Ázirge el quramasy qorjynynda jalǵyz altyn medal bar.

14 qańtarda qazaqstandyq bıatlonshy Vadım Kýrales 15 shaqyrym qashyqtyqta jekeleı synda máre syzyǵyn birinshi bolyp qıǵan edi.

15-16 qańtar kúnderi qazaqstandyq sportshylar júldege ilige alǵan joq. Qazaqstan quramasy altyn júldemen medaldar kestesinde onynshy oryndy Estonııamen bólisip tur.

Medaldar kestesinde júldege ilikken 16 qurama engizilgen.

Kósh basynda Japonııa 14 (8-2-1) medalmen kele jatsa, odan keıingi oryndardaǵy Frantsııanyń 7 (2-1-4), Chehııanyń 3 (1-1-2) medali bar.

2023 jylǵy qysqy ýnıversıadanyń besinshi oıyn kúninen keıingi medaldar kestesi:

1. Japonııa 8-5-1

2. Frantsııa 2-1-4

3. Chehııa 1-1-2

4. Fınlıandııa 1-1-1

4. Ispanııa 1-1-1

5. Germanııa 1-0-2

5. Ońtústik Koreıa 1-0-1

8. Kanada 1-0-1

8. Shveıtsarııa 1-0-1

10. Qazaqstan 1-0-0

11. Estonııa 1-0-0

12. AQSh 0-4-0

13. Norvegııa 0-2-1

13. Polsha 0-2-0

15. Italııa 0-1-0

Eske salsaq, dúbirli dodada elimizdiń atynan 78 sportshy baq synap jatyr.