Ýnıversıada qarsańynda Almaty polıtsııasy kóshi-qon protsesterin qatań baqylaýǵa almaq

ALMATY. QazAqparat - Ýnıversıada qarsańynda Almaty polıtsııasy kóshi-qon protsesterin qatań baqylaýǵa almaq. Kóshi qon polıtsııasy basqarmasy basshysynyń orynbasary Aıdyn Belgibaev osylaı málimdedi.

Sharaǵa baılanysty 2016 jyldyń 20 səýirinen bastap arnaıy jumys bastalyp ketti.

Lokaldy reıdter barysynda quqyq qorǵaý organdary qoǵamdyq tamaqtaný oryndaryn, qurylys nysandaryn, oqý oryndaryn tekserýdi kúsheıtedi.

«Bıyl Almatyǵa kelgen mıgranttardyń sany arta tústi. Ótken jylmen salystyrǵanda 30%-ǵa artty. Qalada 25 myń sheteldik azamattyń qyzmeti tekserildi. Olardyń 3 myńy əkimshilik jaýapkershilikke tartyldy. 302 adam Qazaqstannan shyǵaryldy. Jyl basynan beri 451 sheteldik qýyldy», - dedi A.Belgibaev.

Onyń aıtýynsha, Ýnıversıada nysandarynda júrgizilgen reıd barysynda sheteldik azamattar tabylmaǵan.