Ýnıversıada-2017: Koreıalyqtar kósh bastap keledi

ASTANA. QazAqparat - Qytaıdyń Taıbeıinde ótip jatqan jazǵy 2017 jylǵy ýnıversıada oıyndarynda ázirge Ońtústik Koreıa altyn medaldar sany jaǵynan kósh bastap tur, dep habarlaıdy QazAqparat tilshisi.

Olardyń enshisinde ázirge 10 altyn, 7 kúmis, 10 qola (27) medal bar. Ekinshi orynda 8 altyn 8 kúmis, 10 qola (26) medal ıelengen japonııalyqtar kele jatsa, úzdik úshtikti Taıvan sportshylary qorytyndylap tur. Olardyń enshisinde 7 altyn, 11 kúmis, 3 qola (21) medal bar.

Al jalpy esepte Qazaqstan quramasy 2 altyn, 3 qola (5) medalmen 11-orynda kele jatyr.

Eki altyndy aýyr atletterimiz Albert Lınder men Aıdar Qazov jeńip alsa, úsh qola medalǵa aýyr atlet Arlı Chonteı, sýda júzýshi Dmıtrıı Balandın jáne dzıýdshymyz Bekádil Sháımerdenov ıe boldy.