Ýnıversıada-2017: Almaty metrosy jolaýshylardy tekserýdi kúsheıtpek

ALMATY. QazAqparat - Ýnıversıada-2017 stýdenttik oıyndary barysynda Almaty metrosy jolaýshylardy tekserýdi kúsheıtpek, dep habarlaıdy QazAqparat tilshisi mekemeniń baspasóz qyzmetine silteme jasap.

«Metropolıten» MQK dırektory Nurlan Muqanovtyń aıtýynsha, mundaı sharalar qaýipsizdikti kúsheıtip, lańkestiktiń aldyn alýǵa septigin tıgizbek.

«Jolaýshylardyń qol júgi, sómkeleri tintýden ótedi. Odan qashqandar jerasty jolyna kirgizilmeıdi. Barlyq jolaýshylardy tózimmen qaraýǵa shaqyramyz. Bul birinshi kezekte jolaýshylardyń qaýipsizdigi úshin jasalyp otyr», - dedi dırektor.

Metro basshylyǵy poıyzdan qalyp qoımaý úshin arnaıy mobıldi qosymsha júktep alýǵa keńes berip otyr. Sonyń arqasynda poıyzdardyń júrý kestesin týra bilip, erterek kelýge bolady.

Jolaýshylardy tekserý Qazaqstan zańnamasynda ruqsat etilgen arnaıy quraldarmen júzege asady. Bul azamattardyń konstıtýtsııalyq quqyǵyn buzbaıdy.