Úndistannyń soltústiginde qasqyrlar balalarǵa shabýyldap júr

ASTANA. KAZINFORM – Úndistannyń soltústigindegi Ýttar-Pradesh shtatynda túnde qant quraǵy qamysynan shyǵyp júrgen adam jeıtin qasqyrlar toby balalarǵa shabýyl jasaıda, dep habarlaıdy AZERTADJ.

Orman sharýashylyǵy ókilderiniń málimdeýinshe, kem degende 10 bala qaza tapty.

Mamandardyń pikirinshe, adamdar men jabaıy janýarlar arasyndaǵy qaqtyǵys klımattyq daǵdarys pen jabaıy tabıǵattyń joıylýyna baılanysty órship ketti. Tolassyz jaýǵan jaýyn saldarynan jergilikti Ghaggar ózeni arnasynan asty. Jyrtqyshtar ádettegi mekendeý oryndaryn tastap ketýge májbúr boldy. Olar kádimgi oljasynan aıyrylyp, ony adam qonystarynan izdeýge shyqqan.

Jaǵdaıdy jergilikti turǵyndardyń ózderin shabýyldan qorǵaı almaýlary qıyndatyp otyr – olar jyrtqyshtar ońaı kiretin tóbesi saban jabylǵan esiksiz úılerde túnep júr.

Úndistannyń ósip kele jatqan halqy jabaıy tabıǵatqa kóbirek qol suǵýda jáne adam men janýar arasyndaǵy qaqtyǵys yqtımaldyǵy artyp keledi, dep habarlaıdy The Independent.