Úndistan mektebinde tuńǵysh robot muǵalim jumys isteı bastady
ASTANA. KAZINFORM – Úndistannyń ońtústigindegi Kerala shtatynyń mektebinde jasandy ıntellektke (JI) negizdelgen alǵashqy robot muǵalim paıda boldy. Ony jasaýshylardyń aıtýynsha, robotqa Iris esimi berildi. Bul týraly TASS aqparat agenttigi habarlaıdy.
Robotqa jarqyn sarı kıgizilgen naǵyz ustaz áıelge tán qasıetter berildi. Robot synyp ishinde ózine ornatylǵan dońǵalaqtardyń kómegimen qozǵalady, al oqýshylarmen kezdesken kezde qolyn sozyp amandasady.
Iris óz jumysyn Trıvandrým joǵary orta mektebinde bastady. Ol dybystyq kómek arqyly túrli taqyryptar boıynsha ártúrli deńgeıdegi suraqtarǵa jaýap berip, ınteraktıvti oqytýdy jeńildetedi.
«Іris-tiń kómegimen biz shyn máninde jekelendirilgen oqý tájirıbesin jasaý úshin jasandy ıntellekt kúshin paıdalaný arqyly bilim berý júıesinde tóńkeris jasaǵymyz keledi. Robot árbir oqýshynyń qajettiligi men qalaýyna beıimdele otyryp, muǵalimderge tartymdy jáne tıimdi sabaqtar ótkizýge múmkindik beredi», - deıdi ázirleýshiler.
Baqylaýshylardyń pikirinshe, aldaǵy jyldary robot-muǵalimderdi qoldaný aýqymyn baǵalaý áli de qıyn, biraq Iris-ti jumysqa tartý tájirıbesi JI kómekshi ról atqaratyn bilim berýdiń bolashaǵy týraly túsinik beredi.
