Úndistan ǵaryshqa adam tárizdi robotty ushyrady

ASTANA. KAZINFORM — Úndistan 2024 jyldyń úshinshi toqsanynda «Vyommitra» esimdi adam tárizdi robotty orbıtaǵa jiberýdi josparlap otyr. 

TASS aqparat agenttiginiń habarlaýynsha, bul týraly Úndistannyń ǵylym jáne tehnologııa mınıstri Djıtendra Sıngh málimdeme jasaǵan. 

– Bul mıssııa 2024 jyldyń úshinshi toqsanyna josparlanǵan jáne ǵarysh kemesiniń astronavty ǵaryshtyq ortadaǵy adamnyń fýnktsııalaryn ımıtatsııalaýǵa jáne tirshilikti qamtamasyz etý júıelerimen baılanys ornatýǵa arnalǵan, - dedi mınıstr.

Onyń aıtýynsha, robot orbıtalyq modýldiń parametrlerin baqylap, kemeniń alty panelin basqaryp, suraqtarǵa jaýap bere alady.

Robot ataýy eki sanskrıt sózinen, «vyom» – ǵarysh jáne «mitra» – dos degen sózden shyqqan. Ǵaryshqa ushyrylǵaly otyrǵan robot áıel keıpine enip, birneshe tildegi suraqtarǵa ońaı jaýap bere alady. Kemeniń tehnıkalyq jaǵdaıy týraly aqparat onyń jasandy ıntellektine júktelgen. 

Úndistan ǵaryshtyq zertteýler uıymynyń (ICRO) basshysy Shrıdhara Panıker Somnathtyń aıtýynsha, Úndistan 2025 jyldyń sońyna qaraı óziniń alǵashqy adam basqaratyn ǵarysh kemesin ushyrmaq.

2018 jyldyń tamyz aıynda eldiń brıtandyq otarshyldyq rejıminen táýelsizdik alǵanyna 75 jyl tolýyna oraı premer-mınıstr Narendra Modı Úndistannyń uly nemese qyzy 2022 jylǵa qaraı Úndistannyń ulttyq týyn ǵaryshqa jelbiretetinin málimdedi. Jobanyń «Gaganıan» ataýy sanskrıt tilinen aýdarǵanda «aspan kemesi» degendi bildiredi. Alaıda 2020 jyldyń naýryz aıynda bastalǵan COVID-19 pandemııasyna baılanysty bul joba boıynsha jumys toqtatyldy. 

Bul mıssııa sátti aıaqtalǵannan keıin orbıtaǵa áıel ekıpajyn shyǵarý josparlanǵan bolatyn. Sondyqtan da bolar, úndilik ǵarysh agenttigi ǵaryshta áıel keıpindegi alǵashqy adam tárizdi robot jasaýdy uıǵardy. Degenmen, ázirge Úndistannyń alǵashqy ǵaryshtyq mıssııasyna negizgi úmitker retinde 4 adam ǵana tańdaldy. Ǵaryshkerlerdiń aty-jóni áli jarııalanǵan joq, biraq olardyń barlyǵy áýe kúshteriniń burynǵy ushqyshtary ekeni belgili. Úmitkerler Reseıdegi ıÝrıı Gagarın atyndaǵy ǵaryshkerlerdi daıarlaý ortalyǵynda daıyndyqtan ótken.

First half humanoid that will be a part of @isro Gaganyaan unmanned mission. Humanoid will take off into space this December 2020 pic.twitter.com/BLHFNZNv3S

— Nagarjun Dwarakanath (@nagarjund) January 22, 2020