Úndistannyń «shaı» ósiretin Assam shtatynda Qazaqstannyń týrıstik áleýeti tanystyryldy

BEIJІŃ-DELI. QazAqparat - Úndistandaǵy Qazaqstan elshiligi men Úndistannyń Assam shtaty úkimeti Týrızmdi damytý korporatsııasy (TDK) Gývahatı qalasynda «Qazaqstan-Úndistan: týrızm salasyndaǵy yntymaqtastyq» ınteraktıvti sessııasyn ótkizdi, dep habarlaıdy Qytaıdaǵy «QazAqparat» HAA menshikti tilshisi.

Іs-sharaǵa Assam shtatynyń iri 10 týrıstik kompanııasynyń ókilderi qatysty: Networks Travels, Pushpak, Landscape Safari, Natural Holiday's jáne t.b.

Qazaqstandyq elshi Bolat Sársenbaev Úkimettiń Qazaqstandaǵy qolaıly iskerlik jaǵdaıdy qalyptastyrý sharalaryn, Qazaqstannyń Úndistanmen yntymaqtastyǵynyń negizgi baǵyttaryn, onyń ishinde týrızm sektory týraly baıandady, sondaı-aq úndi kásipkerleriniń suraqtaryna jaýap berdi.

Sessııa sońynda TDK basshylyǵy taıaýda Almaty qalasynda Assam shtatynyń týrıstik múmkindikteriniń tanystyrylymyn uıymdastyrýdy usynyp, Assam shtatynda Qazaqstannan týroperatorlar men buqaralyq aqparat quraldarynyń ókilderin qabyldaýǵa daıyn ekendigin bildirdi.

Eske salaıyq, Assam qazaqstandyqtarǵa óziniń shaı ósirý plantatsııalarymen tanylǵan.