Úndistanǵa baratyn qazaqstandyqtarǵa e-vıza berile bastady
«Qazaqstanmen óte jaqsy jáne dostyq qarym-qatynastaryn nazarǵa ala otyryp, Úndistan Úkimeti Qazaqstan azamattarynyń ıgiligi úshin 2018 jylǵy 28 aqpannan bastap júzege asyrylatyn elektrondyq vıza múmkindigin iske qosty. Bul Qazaqstan azamattaryna Astana qalasyndaǵy Úndistan elshiligine nemese Almaty qalasyndaǵy Ókildikke barmaı, onlaın arqyly qysqa merzimdi Úndistanǵa barý vızasyna ótinim berýge múmkindik beredi», - delingen habarlamada. Elektondyq vıza alý úshin qazaqstandyqtar e-vıza vebsaıtynda onlaın ótinimdi toltyrady.
Ótinim 72 saǵat ishinde tekseriledi jáne Elektrondyq saıahatty qýattaý (ESQ) rastamasy ótinim berýshi kórsetken elektrondyq poshtaǵa joldanady. Úndistanǵa kelýshy osy rastama qaǵazyn jáne tólqujatyn kem degende 6 aı merzim boıy ózimen birge alyp júrý tıis. Kelýshiler vızaǵa ótinishti Úndistanǵa baratyn kúnnen 4 kún buryn berýi tıis. Degenmen, ótinimdi aldyn-ala 120 kún ishinde onlaın túrde berýge bolady.
Qazaqstan azamattary úshin e-vıza 50 AQSh dollary turady nemese sondaı kólemde Úndistan rýpıimen (balany qosa eseptegende) tóleýge bolady. Sondaı-aq qosymsha bank tranzaktsııasy úshin 2,5% alynady.
Aıta keterligi, e-vıza tek 24 halyqaralyq áýejaıda (Ahmedabad, Amrıtsar, Bagdogra, Bengalýrý, Kalıkýt, Chennaı, Chandıgarh, Kochın, Koımbator, Delı, Gaıa, Goa, Gývahatı, Haıderabad, Djaıpýr, Kalkýtta, Laknoý, Mangalýr, Mýmbaı, Nagpýr, Pýna, Tırýchırappalı, Trıvandrým jáne Varanası) jáne belgilengen 3 teńiz porty - Kochın, Goa jáne Mangalýrda beriledi.
E-vıza Úndistanǵa kirý jáne turýǵa kórsetilgen merzimge jaramdy jáne jaǵdaıǵa baılanysty ózgerýi múmkin. Kóshi-qon qyzmetkeri ekinshi e-týrıst vızasyn nemese e-bıznes vızasyn 60 kún merzimge deıin e-vıza júıesine enetin memleketterdiń tólqujattary bar azamattaryna beredi. Úshinshi ret e-medıtsınalyq vızasyn taǵy 6 aıǵa jaǵdaıǵa baılanysty quzyrly Sheteldikterdi tirkeý aımaqtyq qyzmetkeri (ShTAQ) nemese Sheteldikterdi tirkeý qyzmetkeri uzarta alady.
Foto: hindustantimes.com
