Úndistandyq musylman jastar Qazaqstannyń halyqaralyq bastamalaryn qoldaıdy

BEIJІŃ-DELI. QazAqparat - Úndistan Musylman stýdentteri uıymy ulttyq delegattarynyń konferentsııasy aıasynda Qazaqstan Respýblıkasynyń Úndistan Respýblıkasyndaǵy Elshiligi Qazaqstanǵa arnalǵan arnaýly sessııa uıymdastyrdy, dep habarlaıdy «QazAqparat» HAA-nyń Qytaıdaǵy menshikti tilshisi.

«Kazakhstan: Home of Peace» (Qazaqstan - beıbitshilik uıasy) taqyrybyndaǵy sessııa jumysyna Qazaqstannyń Úndistandaǵy Elshiliginiń ókilderi, Úndistan Musylman stýdentteri uıymynyń júzden astam múshesi qatysty.

Sharada dıplomattar men ǵylym ókilderiniń «Qazaqstan jáne onyń jahandyq beıbitshilikti saqtaýdaǵy orny», «Prezıdent Nursultan Nazarbaevtyń Álemdik jáne dástúrli din basshylarynyń sezin shaqyrý ıdeıasy jáne Qazaqstannyń beıbitshilikke qosqan úlesi», «Qazaqstannyń ıadrolyq qarýsyzdaný bastamasy jáne onyń Ortalyq Azııa elderin aımaqty ıadrolyq qarýdan azat aımaq dep jarııalaýǵa shaqyrýy - odan ári damý modelderi retinde», «Qazaqstan men Úndistannyń ózara qatynastary» taqyryptarynda ǵylymı baıandamalary tyńdaldy.

Sessııa jumysynda úndistandyq ǵylymı orta ókilderi Qazaqstannyń halyqaralyq bastamalaryn qoldaıtynyn bildirdi.

Aıta ketelik, Úndistan Musylman stýdentteri uıymy eldegi eń iri ári bedeldi jastar birlestikteriniń biri, oǵan 1 mıllıonnan astam stýdentter men professor-oqytýshylar, sarapshylar múshe. Úndistannyń 22 shtatynda MSU-nyń 560 ókildigi qyzmet atqarady.