Ulytaýda materıaldyq emes mádenı murany saqtaý jóninde forým ótti
Forýmǵa qaýymdar ókilderi men materıaldyq emes mádenı murany qoldaýshylar, qoldanbaly qolóner sheberleri, murajaı qyzmetkerleri, zertteýshiler men sarapshylar qatysty. Qazaqstandyq qolónershilerdi damytý jáne qoldaý, ólketaný murajaılary qyzmetiniń jańa baǵyttary, sondaı-aq qazaqstandyq dástúrli bilim tasymaldaýshylardyń ıÝNESKO-nyń «Uly Jibek jolyndaǵy festıvaldar» jańa jobasyna qatysýy máseleleri talqylandy.
Aıta ketý kerek, Qazaqstan ıÝNESKO-nyń materıaldyq emes mádenı murany qorǵaý jónindegi Konventsııasyna 2011 jylǵy jeltoqsanda qosyldy. Mine, 10 jyldan keıin respýblıkanyń materıaldyq emes jáne rýhanı mádenıetiniń eskertkishteri búkil álemde moıyndaldy.
Mádenı muramyzdyń on bir elementi ıÝNESKO-nyń Búkilálemdik tizimine engizilgen. Olardyń qatarynda Naýryz, qazaqsha kúres, ańshy qustarmen ań aýlaý, Qorqyt murasy, kıiz úı jasaý, qazaq kúılerin oryndaý, Kókmaısa merekesi bar. Ótken jyly tizim qazaqtyń ejelgi toǵyzqumalaq oıynymen tolyqtyryldy.
«Biz ıÝNESKO-nyń basty ıdeıasyn – urpaqtar úshin tabıǵı-mádenı eskertkishterdi, adamzattyń rýhanı-adamgershilik murasyn saqtaýdy shyn júrekten bólisemiz. Bizdiń bul senimdiligimizge ólkemizdiń kópǵasyrlyq baı tarıhy, Saryarqanyń kóp ultty mádenıeti úlken septigin tıgizedi. Biz ótkensiz bolashaq joq ekenin túsinemiz. Bul adal qundylyqtary bar beıbit qoǵam qurýǵa kómektesedi», - dep atap ótti Qaraǵandy oblysynyń ákimi Jeńis Qasymbek.
Búkil Qazaqstan úshin mańyzdy is-sharany ıÝNESKO jáne ISESKO isteri jónindegi ulttyq komıssııanyń qoldaýymen «Uly Taǵzym» Qaraǵandy qoǵamdyq qory uıymdastyrdy.
2020 jyly «Ulytaý» sapar ortalyǵynda «ıÝNESKO-nyń materıaldyq emes mádenı murasy» ekspozıtsııalyq zaly quryldy. Bul – Qazaqstandaǵy alǵashqy ekspozıtsııa. Sondaı-aq, Ulytaý aýdanynyń ortalyǵynda «Áýlıe taý» etnoaýylynyń qurylysy bastaldy. Bul jerde ıÝNESKO-nyń Búkilálemdik tizimine engen elimizdiń barlyq nomınatsııalaryn kórsetý josparlanyp otyr.
