Ulybrıtanııa Reseıden janarmaı ımporttaýdy toqtatty
Ulybrıtanııada Reseı Federatsııasynan otyn ımporty 100% -ǵa, ıaǵnı 499 mıllıon fýnt sterlıngke qysqardy. Halyqaralyq energetıkalyq agenttiktiń málimetinshe, 2021 jyly Ulybrıtanııa Reseıden óziniń gazynyń shamamen 4%-yn jáne munaıdyń 11%-yn ımporttaǵan. Ulybrıtanııa ımporttalatyn gazdyń jalpy mólsherin qysqartqan joq, biraq basqa jetkizýshilerdiń esebinen reseılik gazdy almastyrdy.
Osy eldiń ulttyq statıstıka basqarmasynyń málimetinshe, Reseıden keletin taýarlar ımporty maýsym aıynda 33 mıllıon fýnt sterlıngke deıin túsip ketti. Bul – 1997 jyldyń qańtarynan bergi eń tómengi deńgeı. Reseıge shyǵarylatyn kóptegen taýarlardyń eksporty maýsymǵa qaraı aıtarlyqtaı qysqardy, al mashınalar men kólik jabdyqtaryn satý kólemi 91,3% -ǵa, 118 mıllıon fýnt sterlıngke deıin azaıdy. Jalpy Reseıge shyǵarylatyn eksport kólemi ótken jylmen salystyrǵanda 70%-ǵa, 168 mln fýnt sterlıngke deıin qysqardy.
Foto: bbc.com
