Ulybrıtanııa Qazaqstandaǵy úzdik ınvestor elder qatarynda

ASTANA. QazAqparat - Búgin Qazaqstan men Ulybrıtanııa arasyndaǵy dıplomatııalyq qarym-qatynastyń ornaǵanyna 27 jyl toldy, dep habarlaıdy QazAqparat QR Syrtqy ister mınıstrligine silteme jasap.

Mınıstrliktiń málimetine sáıkes, ótken jyldyń 11 aıynda Ulybrıtanııamen eki jaqty saýdanyń kólemi 1,1 mlrd AQSh dollaryn qurady. Onyń ishinde Qazaqstannan eksport kólemi 0,7 mlrd dollar, al Ulybrıtanııadan ımport 0,4 mlrd dollarǵa jetti.

Odan bólek, 2005-2018 jyldar aralyǵynda atalǵan memleketten elimizdiń ekonomıkasyna tartylǵan ınvestıtsııalardyń jalpy aǵyny 12,8 mlrd AQSh dollaryn qurady.

«Ulybrıtanııa Qazaqstandaǵy úzdik 5 sheteldik ınvestorlardyń tizimine kirýde. Negizgi ınvestıtsııalyq salalar qatarynda munaı-gaz, tústi metallýrgııa, mashına jasaý, aýyl sharýashylyǵy, jańartylatyn energııa kózderi», - dep habarlaıdy mınıstrlik.

Búginde Qazaqstanda brıtandyq kapıtaly bar 670 kompanııa jumys isteıdi. Olardyń qatarynda sońǵy jyldary Ernst & Young, Rolls Royce, Rio Tinto, BAE Systems, AstraZeneca, GlaxoSmithKline, PwC, KPMG, Wood Group, Ýılıam Heır, WorleyParsons, Petrofac, Baker & McKenzie, Norton Rose Fulbright, White & Case, Reed Smith, Michael Wilson & Partners, Dentons, Dechert, Morgan Lewis kompanııalary tabysty jumys atqarýda.