ULY OTAN SOǴYSYNYŃ BATYRLARY: Moldaǵalıev Janǵazy

ASTANA. QazAqparat - Uly Jeńistiń 70 jyldyǵy qarsańynda QazAqparat HAA surapyl soǵys jyldarynda óz Otanyn fashıstik basqynshylardan aman alyp qalǵan birtýar batyrlar týraly materıaldar jarııalaıdy. Sondaı batyrlardyń biri - Moldaǵalıev Janǵazy.

Ol 1917 jyly burynǵy Semeı oblysy Abaı aýdanynyń Bestamaq aýylynda dúnıege kelgen.

Maıdanda ol 1941 jyldan bastap bol­dy.

120-gvardııalyq atqyshtar polkiniń rota komandıri, leıtenant J. Moldaǵalıev 1943 jyldyń qazan aıynda Dnepropetrovsk qalasynyń tusynda alǵashqylardyń qatarynda Dneprden ótti. Oń jaǵaǵa jetsimen jaýyngerlerdi shabýylǵa kóterip, dushpandy qorǵanys shebinen qýyp shyqty. Sóıtip platsdarmdy alýdy qamtamasyz etti.

1943 jylǵy qarashadaǵy urysta óz denesimen jaý dzotyn jaýyp, qaza tapty.

Lenın jáne Qyzyl Juldyz ordenderimen marapattalǵan.

KSRO Joǵarǵy Keńesi Prezıdıýmynyń 1944 jylǵy 19 naýryzdaǵy Jarlyǵymen J. Moldaǵalıevke Keńes Odaǵynyń Batyry ataǵy berildi.

Batyrdyń elinde eskertkish ornatylǵan. Esimi Semeıdegi kóshege jáne ol jerlengen Elızarovka kentindegi mektepke berilgen.