ULY OTAN SOǴYSYNYŃ BATYRLARY: Qarsybaı Sypataev

ASTANA. QazAqparat - Uly Jeńistiń 70 jyldyǵy qarsańynda QazAqparat HAA surapyl soǵys jyldarynda óz Otanyn fashıstik basqynshylardan aman alyp qalǵan birtýar batyrlar týraly materıaldar jarııalaıdy.

Qarsybaı Sypataev 1918 jyly sáýirdiń 15-inde Ońtústik Qazaqstan oblysy, Ordabasy aýdany, Kóktóbe aýylynda ómirge kelip, 1942 jyly qarashanyń 26-y kúni Reseıge qarasty Qalmaq Respýblıkasy, Sarpınsk aýdany, Sharnýt kentinde erlikpen qaza tapty. 2-dúnıejúzilik soǵysqa qatysýshy, mınomet nysanashysy, qazaq.

Keńes áskeri qataryna 1942 jyly alynyp, Ońtústik maıdan 4-atty ásker korpýsy 61-atty ásker dıvızııasy 13-i jeke atty artıllerııa dıvızıony quramynda Uly Otan soǵysyna qatysqan. Stalıngrad shaıqasynda Sypataev asqan erlik pen batyrlyq kórsetti. «Krasnyı geroı» ujymsharynyń mańynda bolǵan urysta jaýdyń bir vzvodqa jýyq jaıaý áskerin joıyp jiberdi.

Sharnýmovskıı eldi mekeni túbinde Sypataevtyń mınomet rascheti 36 tankimen aıkasqa tústi. Tehnıka jaǵynan basym jaý qorǵanys shebin buzýǵa umtyldy. Shaıqas barysynda qasyndaǵy mınomet raschetteri isten shyǵyp, Sypataev qolynda qalǵan jalǵyz mınasymen tankiniń astyna qulady. Sypataevqa jasaǵan erligi úshin KSRO Joǵarǵy Keńesi Tóralqasynyń Jarlyǵymen Keńes Odaǵynyń Batyry ataǵy berildi (17.4.1943).

Týǵan aýyly men Shymkenttegi №7 orta mektepke Sypataev esimi berilip, eskertkish qoıylǵan. Lenın ordenimen marapattalǵan.

Derekkóz: Vıkıpedııa