Uly Dala eline saıahat: Saryarqa baǵyty óz məresine jetti
20 tamyzda bastalǵan ekspedıtsııa 16 kúnge sozyldy. Osy ýaqyt aralyǵynda qatysýshylar 4 myń shaqyrymnan astam joldy eńserip, tarıhı-mədenı nysandar men 5 ulttyq tabıǵı saıabaqty aralady. Atap aıtqanda,
Aqmola, Pavlodar, Qaraǵandy jáne Soltústik Qazaqstan oblystaryndaǵy ərtúrli landashfty jəne ósimdikter men janýarlar álemine baı kórikti jerler saıahatshylarǵa qushaǵyn aıqara ashty.
Saryarqa baǵyty - «Uly Dala Eline saıahat» jobasy sheńberindegi tórtinshi baǵyt. Basqa baǵyttardaǵydaı, osy ekspedıtsııa quramynda da saıahatshylar, týrıstik uıymdar ókilderi, sheteldik jáne qazaqstandyq trevel-blogerler jəne BAQ ókilderi bar.
«Bizdiń endigi maqsatymyz - ekspedıtsııa aıaqtalǵan soń barlyq júrip ótken jerler boıynsha úlken jəne shaǵyn týrıstik marshrýttar jasaý. Sonda elimizdiń tolyq týrıstik kartasy paıda bolady. Taǵy bir aıta ketetin jaıt, ekspedıtsııa qatysýshylary barǵan jerlerinde týrızmdi damytýda qandaı problemalar baryna da nazar aýdarýda. ıAǵnı olar tek qana saıahat jasap qoımaı, sonyń sheńberinde atalǵan jerlerdiń sheshilýi tıis məselelerin jınaqtaýda. Biz óz kezegimizde, jergilikti bılik organdarymen baılanysyp atalǵan problemany sheshýge at salysamyz», - dedi «Kazakh Tourism» UK» AQ-nyń basqarma tóraǵasy Rashıd Kúzembaev.
Sonymen qatar, «Kazakh Tourism» basqarma tóraǵasynyń aıtýynsha, ekspedıtsııa sheńberinde elimizdegi týrıstik aımaqtar boıynsha foto jəne vıdeo qorlar jınaqtalýda, odan bólek ekspedıtsııa qorytyndysy boıynsha, «Kazakh TV» telearnasynda týrıstik nysandarǵa barýǵa qatysty arnaıy baǵdarlama jaryqqa shyǵady.
Aıta keteıik, «Uly Dala Eline saıahat» ekspedıtsııasy - Astananyń 20 jyldyq mereıtoıyna QR Mədenıet jəne sport mınıstrliginiń tapsyrysymen «Kazakh Tourism» UK» AQ ulttyq kompanııasy uıymdastyrǵan keń kólemdegi alǵash respýblıkalyq joba. Ekspedıtsııanyń alda taǵy eki baǵyty bar, olar: Qyzylorda, Aqtóbe jáne Mańǵystaý oblystary aýmaǵy arqyly ótetin «Teńizden teńizge deıin» jáne Túrkistan, Jambyl, Almaty oblystarynyń aýmaǵyn aralaıtyn «Jańa Jibek joly» baǵyty.
