Ulttyq ulan 2025 jylǵa deıin 5 áskerı tasymaldaýshy ushaq satyp almaqshy
Bul týraly Ulttyq ulannyń Bas qolbasshysy Búkilarmııalyq keńes otyrysynda málim etti.
«Ulttyq ulandy damytýdyń 2021-2027 jylǵa arnalǵan keshendi ulttyq jopary bekitildi. Áskerdiń jeke quramyn daıarlaý, oqytý jáne tárbıeleý jónindegi basqarý qujattary ulttyq qaýipsizdikke tónetin jańa qaterler men qaýipterdi eskere otyryp qaıta óńdeldi. Sany myńnan astam arnaıy maqsattaǵy jańa qurylymdar qalyptastyryldy», - dedi Erkin Botaqanov.
Sondaı-aq, ol, Pavlodar, Taldyqorǵan jáne Jańaózen qalalarynda jedel maqsattaǵy jeke batalondar qurylyp, qaıta jasaqtalǵanyn eske saldy.
«Bul iste oblystar men qalalardyń ákimderi praktıkalyq kómek kórsetip jatyr. Áskerdiń jedel áreketi úshin 2025 jyldyń aıaǵyna deıin 5 jańa áskerı tasymal ushaǵy satyp alynady. Onyń bireýi bıyl emrziminen buryn elge jetkiziledi», - dedi Ulttyq ulannyń Bas qolbasshysy.
Aıta keteıik, Astanada Memleket basshysynyń qatysýymen Búkilarmııalyq keńestiń otyrysy ótti.
Buǵan deıin Qorǵanys mınıstrligine qarasty oqý oryndary pedagogteriniń jalaqysy ósetini belgili bolǵan edi.
