Ulttyq saraptama ortalyǵy ónimderinen antıbıotık tabylǵan kásiporyndardy atady
QR Densaýlyq saqtaý mınıstrligi Taýarlar men kórsetiletin qyzmetterdiń sapasy men qaýipsizdigin baqylaý komıtetine qarasty Ulttyq saraptama ortalyǵynyń zerthanalary tamaq ónimderiniń sapasy men qaýipsizdigin qamtamasyz etý maqsatynda 2019 jyldyń 9 aıynda antıbıotık qaldyǵyn anyqtaý úshin shamamen 5 757 zertteý júrgizgen.
«Onyń ishinde, hloramfenıkol preparaty tabylǵan, antıbıotıkterdiń shekti ruqsat etilgen kontsentratsııasynyń artyp ketken 11 jaǵdaıy anyqtaldy.
Zertteýde qazaqstandyqtyń negizgi ratsıonyna kiretin ónimder qamtyldy.
Atap aıtqanda, sút jáne sút ónimderi, qus eti, et jáne et ónimderi, qus jumyrtqasy jáne ózge de azyq-túlik taýarlary», delingen habarlamada.
Zertteý nátıjeleri boıynsha, tamaq ónimderiniń qaýipsizdigin jáne Keden odaǵynyń tehnıkalyq reglamentteriniń talaptaryna sáıkestigin buzýshylar qataryna kelesi ónimder kirdi:
Bekon «Zdorovaıa ferma», pisirilgen-ystalǵan et ónimi, óndirýshi: «Zdorovaıa Ferma Delıkatesy» JShQ, Reseı Federatsııasy; Sorpa úshin jıyntyq, broıler balapandary etinen jasalǵan muzdatylǵan jartylaı fabrıkat, óndirýshi: «Agrofırma Borovskaıa» JAQ, RF; Broıler balapandary etinen jasalǵan jartylaı fabrıkattar, óndirýshi: «Ýralskaıa mıasnaıa kompanııa» JShQ, RF; «Dostoınyı vybor» kotlet farshy, óndirýshi: «Fınınvest» JShQ, RF; Broıler balapandarynyń tutas eti, óndirýshi: «Ptıtsefabrıka Sredneýralskaıa» JShQ, RF; «Baltııskaıa» vetchınasy, óndirýshi: «Kýdrıashov mıasokombınat» JShQ, RF; «Fantazııa» shoshqa etinen jasalǵan oramasy, óndirýshi: «Sovetskıı» et kombınaty JAQ, RF; Broıler balapandary etinen jasalǵan sýbónimderi, óndirýshi: «Altaıskıı Broıler» AQ, RF; «Kavkazskıı» muzdatylǵan káýaby, óndirýshi: «Omskıı Bekon» AQ, RF;
«Musylman» pisirilgen shujyqtyq ónimder, óndirýshi: JShS «Jaıyq Agro LTD», Qazaqstan Respýblıkasy.
«Búgingi tańda tyıymǵa qaramastan, hloramfenıkol veterınarlyq tájirıbede janýarlardy emdeý úshin ǵana emes, olardyń ósýin yntalandyrý úshin de keńinen qoldanylady. Antıbıotık adam aǵzasyna taǵammen túsken sátte, mıkroorganızmderdiń bakterııaǵa qarsy preparattarǵa sezimtaldyǵyn tómendetedi, bul óz kezeginde juqpaly aýrýlardy emdeýdi qıyndatady», delingen habarlamada.
Budan bólek, mıkrobqa qarsy preparattar kóbinese asqazan-ishek jolynyń tabıǵı mıkroflorasyn tejeıdi, ımmýnıtettiń tómendeýine jáne allergııalyq aýrýlardyń damýyna septigin tıgizedi.
