Ulttyq muraǵat

ASTANA. Tamyzdyń 12-si. QazAqparat - Qazaqstan Respýblıkasynyń Ulttyq muraǵaty Qazaqstan Respýblıkasy Kostıtýtsııasynyń 15 jyldyǵyna arnap «Qazaqstan Respýblıkasynyń Konstıtýtsııasy - turaqtylyq, kelisim, órleý» atty qujattyq kórme ótkizýde, dep habarlaıdy QazAqparat.

Qazaqstan Respýblıkasynyń Konstıtýtsııasy jobasyn búkilhalyqtyq talqylaýyna arnalǵan qujattary jáne Qazaqstan Respýblıkasynyń Ortalyq saılaý komıssııasynyń 1995 jylǵy 30 tamyzdaǵy memleketimizdiń Negizgi Zańyn qabyldaýyna baılanysty respýblıkalyq referendýmdy uıymdastyrý jáne ótkizý boıynsha qyzmetiniń qujattary kórmemen tanysýshylardyń orasan zor qyzyǵýshylyǵyn týǵyzyp otyr.

Sonymen qatar, kórmede Konstıtýtsııalyq quqyq salalaryna jatatyn jáne 1995 jyly Qazaqstan Respýblıkasynyń Konstıtýtsııasy qabyldanǵannan keıin shyqqan Memlekettik Negizgi Zańǵa ózgertýler men tolyqtyrýlar engizý jónindegi qujattar men materıaldar da ornalastyrylǵan.

Tamyzdyń 10-y men qyrkúıektiń 30-y aralyǵynda ótetin kórmege Qazaqstan Respýblıkasynyń Prezıdenti muraǵaty men Qazaqstan Respýblıkasynyń Ulttyq muraǵaty qorlarynan iriktelip alynǵan 200-den astam qujattar men materıaldar qoıylǵan.