Ulttyq qoǵamdyq senim keńesi qurylǵanyna erekshe qýandyq - ardager
Onyń sózinshe, «Tórteý túgel bolsa, tóbedegi keledi» dep ata-babamyz aıtyp ótkendeı, sheber saıasatkerligimen tanylǵan Qasym-Jomart Toqaev keshegi ótken ulyqtaý rásiminde qoǵamnyń ótkir álýemettik máselelerin sheshýdegi Elbasynyń bastamalaryn basshylyqqa ala otyryp, aldaǵy maqsat-mindetterimizdi aıqyndap berdi. Endigi kezekte úlken-kishi bolyp qoǵamnyń barlyq múshesi osy iske bir kisideı atsalysýy kerek.
«Jańa Prezıdentimiz Qasym-Jomart Toqaevty ulyqtaý rásimin teledıdardan erekshe yjdahatpen tamashaladyq. Memleket basshysy óz sózinde ótkir áleýmettik máselelerdi sheshýge kóńil bóletinin aıtty. Ásirese, oblys ákimderine naqty tapsyrma berip, sol arqyly ákimderdiń jumysy baǵalanatynyn atap ótti. Onyń ishinde jumyssyzdyq, turmysy tómen otbasylardyń máselesin sheshý jóninde ákimderge tapsyrma bergeni maǵan qatty unady», - deıdi Shııap Álıev.
Sonymen qatar, ol Memleket basshysy kótergen ulttyq qoǵamdyq senim keńesin qurý bastamasynyń búgingi qoǵamdaǵy áleýmettik máselelerdi sheshýde mańyzy zor ekenin atap ótti.
«Sońǵy kezderi bılik pen halyq arasyndaǵy baılanys alshaqtap ketti. Onyń da túrli sebepteri bar shyǵar. Biraq, búgingi kúni bul másele erekshe baqylaýǵa alynyp, naqtyly, nátıjeli jumys isteý kerektigin kórsetip otyr. Sondyqtan, Prezıdenttiń ulttyq qoǵamdyq senim keńesin qurý týraly oıy bizderdi qýantty. Bul keńeske ár óńirden el syılaıtyn, aýyzy dýaly aqsaqaldar tartylsa, jaqsy bolar edi. Búgingi kúni jas urpaq ómirlik tájirıbesi mol, kókirek kózi oıaý qazynaly qarttardyń aqyl-keńesine zárý. Sol sebepti, ardagerlerimizdi qoǵamdyq jumysqa belsendirek tartý qajet. Kópshilik jumyldyrylatyn mádenı-kópshilik sharalardy da jıi ótkizý kerek», - dep túıindedi Shııap Álıev.
