Ulttyq keńeske Nobel laýreattary men shetelge ketken qazaq ǵalymdary shaqyrtyldy
«Ǵylym jáne tehnologııalar jónindegi ulttyq keńestiń quramynda ataqty fızıkter, Nobel syılyǵynyń laýreattary da kirdi. Djordj Smýt degen ataqty fızık bar. 2006 jyly fızıka salasyndaǵy Nobel syılyǵyn alǵan. Sol kisiler endi dúnıejúzinde bolyp jatqan jetistikterdi tikeleı Prezıdentke baıandap turady», - deıdi mınıstr.
Onyń aıtýynsha, 1930 jyly qurylǵan osyndaı ulttyq keńestiń arqasynda AQSh atom bombasyna qol jetkizgen.
«Osy keńestiń jetegimen Apollo mıssııasy adamdardy Aıǵa apardy. AQSh-tyń keıingi 50-70 jyldaǵy tehnologııa men ǵylym salasyndaǵy ústemdigin osy keńes qamtamasyz etti», - deıdi Saıasat Nurbek.
Mınıstr bul keńestiń quramyna tanymal sheteldik ǵalymdarmen birge otandyq mamandar jáne qandas ǵalymdar kiretinin aıtady.
«Keńestiń quramy uzaq merzimge qurylmaıdy. Ár úsh jyl saıyn jańaryp otyrady. Onyń quramyna ózimizdiń otandyq ǵalymdar da kiredi. Sondaı-aq, qazaqtyń ishinen shyqqan, biraq shetelde myqty laboratorııalardy basqaryp otyrǵan ǵalymdar bar. Mysaly, Marat Saparbaev degen otandasymyz toqsanynshy jyldary ál-Farabı atyndaǵy ulttyq ýnıversıtetten túlep ushqan. Qazir Parıjde Frantsııanyń jetekshi bıologııa jáne bıotehnologııa laboratorııasyn basqaryp otyr nemese Jánibek Álpishev degen Semeı qalasynyń týmasy bar. Qazir Aýstrııa Ǵylym jáne tehnologııa ınstıtýtynyń jetekshi sýperkondensatorlar laboratorııasyn basqarady. Osyndaı myqty-myqty azamattarymyzdy da bizdiń keńestiń quramyna shaqyryp otyrmyz», - dedi vedomstvo basshysy.
Vıdeodan alynǵan kadr
