Ulttyq qaýipsizdikti qamtamasyz etýdiń tyń tásilderi qajet - Toqaev

ASTANA. QazAqparat – Ulttyq qaýipsizdikti qamtamasyz etýdiń tyń tásilderi qajet. Bul týraly elimizdiń áleýmettik-ekonomıkalyq damýy jónindegi keńeste Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Bizge ulttyq qaýipsizdikti qamtamasyz etýdiń tyń tásilderi qajet. Sol úshin tıisti strategııany zaman talabyna saı qaıta qaraý kerek. Syrtqy saıasat tujyrymdamasy da jańartylýǵa tıis. Bul qujat múlde basqa geosaıası jaǵdaıda qabyldanǵan. Qazir kóp nárse ózgerdi. ıAǵnı, ishki qaýipsizdikti saqtaý, qorǵanys qabiletin kúsheıtý, Qazaqstannyń jáne búkil Ortalyq Azııa aımaǵynyń halyqaralyq deńgeıdegi bedelin arttyrý máseleleri basty nazarda bolýy kerek», - dedi Qasym-Jomart Toqaev.