Ulttyq ınnovatsııalar baıqaýynyń jeńimpazdary Sıngapýrǵa joldama aldy
Bas júlde alǵan jeńimpazdar Sıngapýrǵa tehnologııalyq kásipkerlik boıynsha bir aptalyq oqýǵa barady.
«Ulttyq baıqaý halyq arasynda ınnovatsııalyq belsendilikti arttyrýǵa jáne tehnologııalyq kásipkerlikti damytýǵa arnalǵan. Oǵan QR Investıtsııalar jáne damý mınıstrligi qoldaý bildirdi. Bıyl da Qazaqstannyń túrli óńirinen myńnan astam stýdentter, mektep oqýshylary, startapshylar men jýrnalıster ótinim berdi. Olarǵa qoldaý bildirýge qashanda daıynbyz», - dedi «TDUA» AQ basqarma tóraǵasy Marat Omarov marapattaý rásiminde.
Baıqaý ádettegideı 5 atalym boıynsha uıymdastyryldy. «Qazaqstannyń ınnovatsııalyq belsendi aımaǵy» atalymynda Astana qalasy kósh bastady.
«Orta mektep oqýshylary men kolledj stýdentteri arasyndaǵy eń úzdik tehnologııalyq sheshim» nomınatsııasynda «Smart Home Group» toby halyqtyq daýys berý júldesi men 200 myń teńge chegin jeńip aldy. Atalymda ІІІ oryn alǵan «Álıhan kvadrat» 400 myń teńge, ІІ oryn alǵan - «Trýbochısty» toby 800 myń teńge ıelendi. Al, birinshi oryn alǵan «Trı medıým» toby Sıngapýrǵa joldama jeńip aldy.
«Stýdentter arasyndaǵy eń úzdik tehnologııalyq sheshim» nomınatsııasynda «Tóle», «Top», «Turan» komandalary júldege ıe boldy. Olarǵa da 200 000, 400 000, 800 000 teńgelik chekter men Sıngapýrǵa joldama berildi.
«Startaptar arasyndaǵy úzdik tehnologııalyq sheshim» atalymynda «Zrenıe», «Astana bıomedgrýpp», «Alataý robot tehnologııasy» toptary úzdik dep tanyldy. Jeńimpaz atanǵan jobalar týraly tolyq aqparat TDUA saıtynda jarııalanady.
Sonymen birge, ınnovatsııalyq taqyrypta úzdik jýrnalıstik materıaldarymen kózge túsken jýrnalıster agenttik marapatyna ıe boldy.
«Memlekettik tildegi ınnovatsııalyq taqyryptaǵy úzdik materıal» nomınatsııasynda halyqtyq daýys berý júldesiniń jeńimpazy atanǵan Dastan Sapashov 200 myń teńgeniń chegin jeńip aldy. Sáıkesinshe, ІІІ oryn júldesi men 500 myń teńge - Qanat Mahambetke, ІІ oryn men 900 myń teńge - Mırlan Altynbekke jáne І oryn men 1 mıllıon 300 myń teńge - «Atameken» bıznes arnasynyń jýrnalısi Erbolat Muhamedjanǵa berildi. «Orys tilindegi ınnovatsııalyq taqyryptaǵy úzdik materıal» nomınatsııasynda Ásel Qurmanǵalıeva, ıÝrıı Masanov, Konstantın Harlamov jáne Nıkolaı Enelane úzdikter qatarynan kórindi.
Aıta keteıik, Astanada dástúrli Qazaqstan Technology Forum óz jumysyn bastady. Jıynda memlekettegi ınnovatsııany damytýdyń ózekti máseleleri talqylanyp, otandyq jáne sheteldik ınnovatsııalyq jobalar kórmesi uıymdastyrylady.
Osyǵan deıin Qazaqstan Respýblıkasy Investıtsııalar jáne damý mınıstrligi Tehnologııalyq jáne ınnovatsııalyq damý departamentiniń qoldaýymen «Tehnologııalyq damý jónindegi ulttyq agenttik» Ulttyq ınnovatsııalyq konkýrs uıymdastyrylatyny habarlanǵan bolatyn.
