Ulttyq ǵarysh ortalyǵynda EUÝ-dyń radıotehnıkalyq zerthanasy ashyldy

ASTANA. QazAqparat  - «Qazaqstan Ǵarysh Sapary» UK» AQ-da (QǴS)  Birlesken ǵylymı-óndiristik ortalyq (ǴOÓ) jáne L.N. Gýmılev atyndaǵy Eýrazııalyq ulttyq ýnıversıtetiniń «Radıotehnıka, elektronıka jáne telekommýnıkatsııa» kafedrasy ashyldy, dep habarlady «QazAqparat» HAA tilshisi.

 «Radıotehnıkalyq zerthana» ǴÓO  radıotehnıka jáne elektronıka salasyndaǵy ınnovatsııalyq tehnologııalardy damytý jáne Qazaqstan Respýblıkasynda óndiristik-tehnologııalyq alań qurý boıynsha eldiń jetekshi JOO-lary men ulttyq kompanııalardyń jumysynyń nátıjesi bolyp tabylady», - dep atap ótti QR qorǵanys jáne aeroǵarysh ónerkásibi vıtse-mınıstri Marat Nurǵojın.

QǴS kompanııasynyń  dáldigi joǵary seriktik navıgatsııa júıesiniń ortalyǵy tájirıbeli óndirisiniń 550 sharshy metrinde ornalasqan radıotehnıkalyq zerthana radıomontaj ýchaskesin, testileý ýchaskesin, sáıkestikti baǵalaý zerthanasy jáne mehanıkalyq sheberhanany qamtıdy. Ol ǵylymı ázirlemeler men eksperımentter júrgizý úshin zamanaýı jabdyqpen jaraqtalǵan.