Ulttyq bankte BJZQ qarjysy qalaı ınvestıtsııalanatyny aıtyldy
Atalyp ótkendeı, Memleket basshysynyń Qazaqstan halqyna Joldaýy aıasynda berilgen tapsyrmalaryna sáıkes, Ulttyq bank Qazaqstan ekonomıkasynyń naqty sektoryndaǵy basym jobalardy qoljetimdi nesıemen qamtamasyz etý maqsatynda uzaq merzimdi teńge ótimdiligin usyný josparlanýda.
«Qazirgi ýaqytta retteýshi Úkimetpen birlese otyryp, qarjymen qamtamasyz etý tetikteri men sharttaryn anyqtaý úshin jumys jasaıdy. Júrgizilip jatqan jumystar aıasynda naryq jaǵdaıynda BJZQ-nyń zeınetaqy aktıvterin paıdalaný múmkindigi qarastyrylǵan, onyń ishinde 2018 jyly bankterdiń oblıgatsııalyq baǵdarlamasyna sáıkes josparlanyp, biraq ınvestıtsııa úshin tolyǵymen paıdalanylmaǵan 200 mlrd teńge qarjy bar», - delingen habarlamada.
Búgingi tańda 2018 jylǵa bankter úshin kórsetilgen oblıgatsııalyq baǵdarlamalar aıasynda BJZQ-nyń zeınetaqy aktıvteri naryqtyq jaǵdaıda 35 mlrd teńge somasynda bankterdiń oblıgatsııalaryna ınvestıtsııalanǵan. Onyń tabystylyǵy jylyna 11,5-12% quraıdy, dep túsindirdi Ulttyq bankte.
Málim etilgendeı, ótimdilikti usyný qaýyrttyq, aqylylyq jáne qaıtarymdylyq qaǵıdasy boıynsha júzege asyrylady.
«Bul ınvestıtsııalar tek tabysty ǵana emes, sondaı-aq senimdi. Usynylǵan qarajat ekinshi deńgeıli bankter arqyly Qazaqstan Respýblıkasynyń Úkimeti iriktegen basym jobalardy júzege asyrýǵa baǵyttalatyn bolady», - dep atap ótti Ulttyq bankte.