Ulttyq bank sáýir aıyndaǵy ınflıatsııa boıynsha túsinikteme berdi

NUR-SULTAN. QazAqparat –Ulttyq banktiń Aqsha-kredıt saıasaty departamenti dırektorynyń orynbasary Denıs Chernıavskıı sáýir aıyndaǵy ınflıatsııa boıynsha túsinikteme berdi, dep habarlaıdy QazAqparat UB baspasóz qyzmetine silteme jasap.

Sáýirdegi saýalnamanyń nátıjesine súıensek, halyqtyń ınflıatsııalyq boljamy ósti. Inflıatsııalyq kútýlerdiń bir jyl alǵa sandyq baǵasy 7,2%-dy qurady. Kelesi 12 aı ishinde baǵanyń qazirgi ósý qarqynynyń saqtalýyn ne baǵanyń neǵurlym jyldam ósýin kútetin respondentterdiń úlesi 47%-ǵa deıin ósti (naýryzda – 44%).

Respondentterdiń 85%-y (naýryzda 88%) azyq-túlik ónimderiniń baǵasy ósetinin aıtty. Sáýirde azyq-túlikke jatpaıtyn taýarlardyń, sonyń ishinde janarmaı men qurylys materıaldary baǵasynyń ósýin belgilegen respondentterdiń úlesi 6,9%-ǵa (naýryzda 4,5%). Qazirgi jáne bolashaqtaǵy qarjylyq jaǵdaı, sondaı-aq ekonomıkanyń damý perspektıvalary tómen baǵalanǵanda tutynýshylardyń kóńil-kúıi azdap buzyldy.

Tutynýshylyq jáne ıpotekalyq nesıesi bar respondentterdiń úlesi tómendedi. Aldaǵy jyly nesıe alǵysy keletin halyqtyń úlesi 18%-ǵa deıin azaıdy (2021 jyly qańtarda – 20%). Sonymen birge respondentterdiń kóptep satyp alýlarǵa daıyndyǵy artty.

2021 jyly sáýirde ekonomıkanyń qysqa jáne uzaq merzimdi kútýleri oń aımaqta bolǵanyna qaramastan, úsh aı boıy nashar boldy.