Ulttyq bank ótken aıdaǵy ınflıatsııalyq jaǵdaıdy jarııalady

NUR-SULTAN. QazAqparat - 2021 jyldyń qyrkúıek aıynda ınflıatsııalyq kútýlerdiń sandyq baǵasy bir jyl alǵa 9,0%-dy qurady. Bul týraly QazAqparat Ulttyq banktiń baspasóz qyzmetine silteme jasap habarlaıdy.

Halyqtyń ınflıatsııany baǵalaýy joǵary qalpynda qalyp otyr, alaıda 2021 jyldyń shilde-tamyzynda baıqalǵan eń joǵary mánderden birshama tómendegeni baıqalady. Atap aıtqanda, aǵymdaǵy ınflıatsııanyń qarqyny jedeldeıtinin jáne saqtalatynyn kútken respondentterdiń úlesi 59%-ǵa deıin tómendedi (tamyzda – 61,5%). Saýalnamaǵa qatysqandardyń basym kópshiligi azyq-túlik baǵasynyń kóteriletinin atap ótti (85%). Taýarlar qurylymynda respondentter et pen qus eti, nan-toqash ónimderi, qurylys materıaldary, kıim men aıaq kıim, balalarǵa arnalǵan taýarlar baǵasynyń tez ósetinin aıtty.

Qyrkúıek aıynda tutynýshylyq kóńil-kúı barlyq komponentte jaqsardy. Halyqtyń taýarlardy kólemdep satyp alýǵa daıyndyǵy artyp, 2020 jyldyń basyndaǵy mánderge jetti. Ekonomıkany damytý boıynsha qysqa merzimdi jáne uzaq merzimdi kútýler shekteý sharalarynyń jeńildep, koronavırýspen aýyrǵandar sanynyń azaıýynan jaqsara tústi.